La subdelegada do Goberno nA Coruña, María Rivas, interveu esta mañá na inauguración do I Congreso Internacional de Maiores LGTBI++ organizado pola Fundación 26 de decembro, onde puxo en valor o labor e o compromiso do Goberno coa ampliación de dereitos e a necesidade de recoñecer e visibilizar ás persoas maiores do colectivo LGTBI++, xa que, nun pasado non tan afastado, moitas e moitos deles viron limitadas as súas liberdades por razón da súa orientación sexual
La subdelegada resaltou especialmente, de entre todas as normas postas en marcha polo Goberno de Pedro Sánchez, a Lei 4/2023, do 28 de febreiro, para a igualdade real e efectiva das persoas trans e para a garantía dos dereitos das persoas LGTBI+; “unha lei, extremadamente combatida desde a dereita, e cuxo obxectivo é ser garantizadora da protección e dos dereitos das persoas LGTBI+ en todos os ámbitos da vida, desde o acceso á saúde ata a protección contra a discriminación”, dixo Rivas.
María Rivas lembrou que esta Lei vén implementar programas de apoio que inclúen servizos de saúde especializados, apoio psicolóxico e actividades comunitarias para fomentar a inclusión e o benestar. Tamén aposta decididamente pola educación e sensibilización a través de campañas de educación para erradicar os prexuízos e as discriminacións; resaltando que as prioridades desta Lei entroncan á perfección coa traxectoria e co traballo xa feito desta Fundación 26 de Decembro.
La subdelegada felicitou á Fundación pola incesante aposta pola dignidade e a inclusión das persoas maiores LGTBI++, fomentando a investigación, a formación, a creación de servizos, de espazos seguros e, tamén a importante tarefa da recuperación da memoria histórica da comunidade LGTBI+.
La subdelegada lembrou que España é actualmente o cuarto país do mundo onde máis se respectan os dereitos das persoas LGTBI+ e o indicador Rainbow Index, (que elabora anualmente a federación internacional de entidades que loitan polos dereitos das persoas lesbianas, gais, trans, bisexuais e intersex) apunta que España é un país cunha boa calidade de vida para as persoas LGTBI+ en comparación con outros países europeos e do resto do mundo.
María Rivas, terminou a súa intervención manifestando o compromiso do Goberno en manter un permanente diálogo coas entidades representativas e dar apoio ás organizacións que traballan en favor dos dereitos LGTBI+.