La subdelegada do Goberno nA Coruña, María Rivas, e o Alcalde, Evencio Ferrero achegáronse hoxe ata o cuartel da Garda Civil, onde estiveron acompañados pola Coronela Xefe do Comandancia da Garda Civil nA Coruña, Fernando Pedreira, para coñecer as novas instalacións destinadas á atención ás vítimas de violencia de xénero. La subdelegada e o Alcalde destacaron a importancia da colaboración institucional para mellorar a prestación dos servizos á cidadanía, especialmente en momentos tan delicados e dolorosos como o de tramitar unha denuncia por violencia machista.
De este modo o cuartel da Garda Civil demais de contar cunhas oficinas renovadas, accesibles e cómodas, tamén contará cun recunchiño de lectura grazas á colaboración do Concello de Carballo, o que sen dúbida redundará na mellora do servizo tanto para as mulleres como para as crianzas.
Grazas á creación deste novo espazo, que conta con libros e xogos para diferentes idades, os e as menores que acoden coas súas nais ao cuartel dispoñen dunha sala independente na que poden estar atendidos e entretidos mentres as mulleres tramitan a denuncia.
A subdelegada do Goberno quixo pór en valor, e agradecer ás distintas áreas municipais que participaron no proxecto, a súa implicación á hora de detectar a necesidade e encargarse do acondicionamento do espazo ademais de dotalo dos materiais adecuados para os nenos e nenas.