El delegado do Goberno en Galicia, Pedro Blanco, mantivo hoxe unha reunión de traballo coa conselleira de Vivenda e Infraestruturas, María M. Allegue, na que afianzaron a colaboración entre o Goberno e a Xunta para impulsar a ordenación e desenvolvemento urbano dos concellos galegos. Este encontro serviu para remarcar o clima de entendemento e diálogo que manteñen ambas as administracións ao respecto desta materia tan sensible, que afecta directamente o progreso económico e social da Comunidade Autónoma.
Durante a reunión, que tivo lugar na Delegación do Goberno, nA Coruña, ambos os responsables públicos repasaron tamén os programas nos que colabora o Goberno coa Xunta para ampliar o parque de vivenda pública en aluguer social e promover a rehabilitación enerxética dos edificios. Neste punto, ambos coincidiron en que a cooperación e a lealdade institucional son claves para materializar os importantes investimentos que recibe Galicia para esta materia.
Esta reunión serviu para supervisar o grao de execución dos proxectos en distintas vilas e cidades de Galicia, algúns deles en estado moi avanzado. O feito de que estes investimentos formen parte do Plan de Recuperación, Transformación e Resiliencia, impón uns prazos estritos de execución.
Finalmente, tamén analizaron os programas impulsados por ambas as administracións para financiar o aluguer ou a compra de vivenda en vilas e municipios do reto demográfico, a través do Plan Estatal de Acceso á Vivenda 2022-2025.