El delegado do Goberno en Galicia, Pedro Blanco, visitou hoxe o Concello de Mondariz-Balneario para entregar unha das 17 ′Maletas Viajeras contra a Violencia de Xénero′ (MAVI) que percorren Galicia. Este proxecto de sensibilización é unha iniciativa promovida polas Unidades de Violencia sobre a Muller das Subdelegacións do Goberno nas catro provincias.
No acto de entrega, estivo presente o subdelegado do Goberno, Abel Losada, e o alcalde do municipio, César Gil, a quen Pedro Blanco agradeceulle “crer neste proxecto e contribuír, así, ao fomento da igualdade e a concienciación”.
El delegado explicou que esta iniciativa dirixida a concellos, asociacións, Centros de Información á Muller, clubs de lectura, bibliotecas, etcétera, Pretende achegar libros de diferentes temáticas relacionadas co feminismo, a igualdade, o empoderamiento, a autoestima ou as violencias machistas ás mulleres e nenas, favorecendo a concienciación e a prevención. Con cinco maletas viaxeiras en activo na provincia de Pontevedra, unha delas recala agora no municipio de Mondariz-Balneario, onde permanecerá tres meses.
Pedro Blanco subliñou “a responsabilidade das institucións públicas na construción dunha sociedade máis xusta, igualitaria e libre de violencias machistas” e destacou o papel fundamental dos concellos ao ser “a institución máis próxima, e por tanto, máis escoitada, pola cidadanía”.
En este sentido o delegado animou a toda as administracións a seguir traballando pola prevención, a educación e a concienciación en igualdade, pois “os 5.547 casos activos de violencia de xénero que rexistra o Sistema VioGén en Galicia, dos que 1.680 están en Pontevedra, son inaceptables”.
A maleta, que contén unha ducia de libros escritos por mulleres, permanecerá no concello de Mondariz-Balneario tres meses, tras os que continuará a súa viaxe por outros concellos, casas de acollida, asociacións de mulleres vítimas de violencia de xénero, bibliotecas, centros de información á muller ou servizos sociais que a soliciten.
Solidariedade
O delegado do Goberno quixo tamén agradecer “o compromiso, responsabilidade e solidariedade do alcalde e dos veciños e veciñas de Mondariz-Balneario coa chegada das persoas migrantes que proceden das Illas Canarias”. Neste sentido, o delegado explicou o Goberno asumirá todos os custes da estadía dos 180 refuxiados na vila e lembrou que a mesma é temporal. Ademais, incidiu na importancia da “comunicación fluída con todas as Administracións, pois a chegada de migrantes é continúa e as previsións poden variar”.
PERCHE
Durante a súa visita ao municipio, o delegado revisou co alcalde de Mondariz-Balneario os diferentes proxectos e investimentos do Goberno na localidade, que vén de beneficiarse da última convocatoria do Perche do Ciclo de Auga, con case 5 millóns de euros dos fondos do Plan de Recuperación, Transformación e Resiliencia para mellorar o abastecemento de auga na comarca. Pedro Blanco lembrou que o Goberno de Pedro Sánchez investiu xa 2,7 millóns de euros en Mondariz Balneario co obxectivo de impulsar iniciativas para mellorar o benestar e a calidade de vida da cidadanía.