Tui, 19 de agosto de 2024.- O subdelegado do Goberno en Pontevedra, Abel Losada, supervisou en Tui, xunto con o alcalde, Enrique Cabaleiro, as obras de rehabilitación do novo espazo multiusos municipal, situado na Rúa Camilo José Cela. A actuación é financiada con 793.725 euros do Programa de Impulso á Rehabilitación de Edificios Públicos de entidades locais (Pirep Local) impulsado polo Ministerio de Transportes ao abeiro do Plan de Recuperación, Transformación e Resiliencia. Losada valorou esta actuación como exemplo do compromiso do Goberno de Pedro Sánchez para facer chegar os fondos europeos a todos os concellos para aumentar servizos e mellorar a calidade de vida da xente.
O investimento, que supera os 900 mil euros, permitirá mellorar a envolvente do edificio, así como o interior, que contará con todos os protocolos de eficiencia enerxética, co obxectivo de convertelo nun espazo multiusos moderno e sustentable, de máis de 400 metros cadrados. O subdelegado destacou “o avanzado estado dunha obra que permitirá dinamizar a vida dun Concello que é exemplo do bo aproveitamento dos recursos do Plan de Recuperación para mellorar a vida de todos os seus habitantes”.
En este sentido, o subdelegado lembrou que este programa tamén outorgou 772.000 euros para a rehabilitación do Teatro Principal desta localidade.
Durante a visita, o subdelegado destacou que nos últimos anos Tui recibiu fondos europeos para dinamizar o seu turismo, o comercio e o patrimonio, entre outros, “como exemplo da aposta decidida do Goberno por facer chegar os fondos do Plan de Recuperación a todos e cada un dos municipios de Pontevedra, co obxectivo de mellorar a vida de todas e todos os pontevedreses, sen deixar a ninguén atrás”.