El delegado do Goberno en Galicia, Pedro Blanco, agradeceu ao presidente da Deputación da Coruña, Valentín González Formoso, a súa solidariedade ao ofrecerse a acoller na residencia do IES Rosalía Mera da Coruña a 44 persoas migrantes chegadas a Canarias e que foron destinadas a Galicia. Pedro Blanco e Valentín González Formoso mantiveron unha reunión de traballo para abordar a emerxencia migratoria no territorio.

Pedro Blanco destacou a boa noticia que representa poder contar con estas prazas, “algo que supón contribuír solidariamente non só con todas esas persoas que chegan ao noso país fuxindo da guerra, senón coas Comunidades Autónomas que están a sufrir unha presión inaudita”. El delegado destacou o compromiso solidario da Deputación e do seu presidente, pondo en valor a importancia que ten a correcta colaboración institucional.

“En momentos como este é importante sumar, como o está facendo a Deputación da Coruña, demostrando que a sociedade coruñesa e galega son solidarias e comprenden o grave problema que están a pasar estas persoas migrantes, que chegan a Canarias e logo a Galicia despois de escapar nin máis nin menos que dunha guerra no seu país de orixe, Mali”.

El delegado do Goberno aproveitou a reunión de traballo para informar de que ao longo deste martes chegarán as primeiras 104 persoas migrantes a Santiago de Compostela, sendo instaladas nas dependencias do Monte do Gozo. O resto dos territorios verán como as persoas migrantes van chegando de maneira gradual ao longo dos próximos días e semanas.

Aprovechó para agradecer á Xunta de Galicia a súa colaboración e total disposición para atallar da mellor maneira posible esta emerxencia. “A colaboración fluída tanto coa Administración Autonómica como cos alcaldes e alcaldesas dos concellos aos que previsiblemente chegarán persoas migrantes é constante e necesaria, permitíndonos ofrecer unha resposta idónea e á altura das circunstancias”, expuxo o delegado do Goberno.

O presidente da Deputación, pola súa banda, lembrou que esta administración xa acolleu a refuxiados da guerra dos Balcáns e, ata fai pouco, tamén da guerra de Ucraína. “Tócanos estar á altura das circunstancias e seguir exercendo ese espírito solidario que caracteriza a provincia, ofrecendo ao Estado e á Xunta un total de 44 prazas no IES Rosalía Mera para a acollida de persoas ante grávea crise humanitaria que están a padecer os seus países e a Comunidade Autónoma Canaria”, sinalou Valentín González Formoso.