La subdelegada do Goberno, Isabel Rodríguez, presidiu hoxe a Xunta Local de Seguridade convocada con motivo do Ribadeo Indiano, que se celebra este ano do 12 ao 14 de xullo . Acompañada polo alcalde e membros das forzas e corpos de seguridade, coordinaron o dispositivo que garantirá o correcto desenvolvemento desta festividade singular de carácter cultural e histórico que se remonta ás orixes da emigración e para a que se espera un ano máis unha grande afluencia de xente.
A subdelegada felicitou tanto ao concello de Ribadeo como ao tecido asociativo que promove esta cita “por manter viva a tradición, que funciona tamén como un revulsivo económico e social para a localidade e para toda a comarca da mariña”, asegurou. Ademais, avanzou que “a subdelegación colaborará activamente co concello para que Ribadeo conte neste fin de semana cunha tranquilidade e seguridade #excepcional e poida gozar dunha cita consolidada no tempo” informou Rodríguez.
En esta liña, agradeceu o traballo dos axentes de seguridade na posta en marcha do dispositivo para garantir o correcto desenvolvemento desta nova edición. Ademais, coordinaron o traballo de face aos distintos eventos con marcado carácter festivo e turístico que se desenvolverán ao longo do verán, como a Festa do Percebe ou as patronais. Asistiron a esta Xunta de Seguridade membros da Garda Civil e Subsector de Tráfico, Policía Autonómica, Policía Nacional e Policía Local.
Ribadeo Indiano 2024
O Ribadeo Indiano 2024 celébrase o fin de semana do 12 ao 14 de xullo para render homenaxe aos emigrantes retornados. Entre as súas actividades principais estarán diversas representacións e visitas teatralizadas, concertos, exhibición de vehículos clásicos, talleres ou xornadas de cinema. A zona vella será engalanada un ano máis e as persoas asistentes adoitan achegar a principal ambientación á festividade vestindo #traxe de época para a ocasión.