El delegado do Goberno en Galicia, Pedro Blanco, e a directora xeral de Protección Civil e Emergencias, Virgnia Barcones, animaron aos voluntarios de Protección Civil a seguir traballando “por unha sociedade máis libre e segura” durante o nomeamento de Arturo Fuente como novo presidente da Asociación Nacional de Agrupacións e Asociacións de Voluntarios de Protección Civil de España, que tivo lugar en Muxía. Estiveron acompañados pola subdelegada do Goberno na provincia, María Rivas.
El delegado agradeceu e destacou o papel que xoga Protección Civil en moitos lugares, “sendo o primeiro elo na cadea da seguridade ante calquera emerxencia, o que os conecta directamente coa cidadanía prestándolle en todo momento un servizo exemplar, aínda que ás veces descoñecido”. Pedro Blanco fixo memoria mencionando casos nos que Protección Civil foi clave, “como os do Casón ou do Prestige, crise onde este organismo representou un rol crave e que tiveron lugar ben preto de onde nos/nos atopamos hoxe, Muxía”.
A directora xeral de Protección Civil e Emergencias fixo fincapé na importancia que ten unha correcta e ampla formación no territorio destinada a todos os voluntarios de Protección Civil, en vistas a que podan desenvolver o seu traballo da mellor maneira posible e sen caer en ningún risco para eles e elas. Ademais, Virgnia Barcones destacou o papel que xoga toda a cidadanía na prevención de emerxencias, “sendo clave para o noso futuro a aposta por estender en todos os ámbitos sociais unha cultura e unha educación que leven intrínsecos estes valores”.
“Calquera emerxencia é máis sinxela de controlar se antes houbo unha correcta prevención da mesma”, sinalou o delegado seguindo a liña de Virgnia Barcones. Pedro Blanco puxo de relevo os riscos que poden chegar a existir no futuro “debido a fenómenos como o do cambio climático” fan aínda máis necesario que toda a sociedade mantéñase alerta e preparada ante calquera emerxencia.
Pedro Blanco lembrou a honra que supuxo para Galicia ser a comunidade autónoma escollida polo Ministerio do Interior, a través precisamente de Protección Civil, para probar o sistema de alertas 112 ES-Alert. “Mecanismos como este deixan claro que este Goberno non deixa de superarse na busca do total benestar e seguridade da cidadanía galega”, lembrou o delegado.
Nomeamento de Arturo Fuente
El delegado do Goberno felicitou a Arturo Fuente como novo presidente da Asociación Nacional de Agrupacións e Asociacións de Voluntarios de Protección Civil de España, un cargo para o que lle desexou, a el e á súa directiva, “a mellor das sortes”. Aproveitou para trasladarlles tamén o recoñecemento da sociedade galega polo importante desempeño que realizan e van realizar co seu labor.
En este sentido, apelou tamén á colaboración entre institucións para prestar á cidadanía un servizo “áxil e transparente en materia de seguridade”. Trasladou o compromiso que ten o Goberno con estes valores, lembrándolles que o terán ao seu lado en todo momento que o necesiten, “como precisamente neste, coa presenza de Virginia Barcones, como mellor mostra do que digo”.