La subdelegada do Goberno en Lugo, Isabel Rodríguez, recibiu hoxe aos axentes estranxeiros que colaborarán este mes de xullo no Plan de Seguridade Xacobeo 2024 que pon en marcha un ano máis a Garda Civil na provincia, co fin de ampliar a cobertura de seguridade e protección aos peregrinos e peregrinas que realizan o Camino de Santiago. A subdelegada, acompañada polo comandante Manuel Touceda, deu a benvida aos policías de Italia, Portugal e Brasil integrados no dispositivo de seguridade do Camino Francés.
A subdelegada saudou aos axentes e agradeceulles “o apoio que nos/nos dan para garantir a seguridade das persoas que percorren estas sendas de peregrinaxe, unha prioridade para o Goberno”. Ademais, destacou que “son moitas as persoas de distintas nacionalidades que fan o Camino e, por iso, é unha sorte contar coa participación de membros das forzas de seguridade doutros países colaborando cos nosos axentes na protección dos peregrinos”, manifestou a subdelegada. Isabel Rodríguez explicou que “este mes de xullo contaremos dentro do Plan de Seguridade do Xacobeo despregado pola Garda Civil coa presenza de 4 axentes da Policía Rodoviaria do Brasil, 1 axente da GNR de Portugal, e 1 do corpo de Carabinieri de Italia”. No mes de agosto tamén se incorporarán un axente de Italia, un procedente de Alemaña e outro dos Estados Unidos.
A subdelegada sinalou que o compromiso do Goberno coa seguridade e protección dos peregrinos e peregrinas “demóstrase con campañas específicas para tal fin”, lembrando a recente presentación “esta mesma semana dunha nova edición de Non Camiñas Soa, por un camiño libre de violencias machistas” promovida polas Unidades contra a violencia sobre a muller.