Pedro Blanco subliña en Forcarei o impacto do Plan de Recuperación do Goberno nos pequenos concellos de Galicia

El delegado do Goberno en Galicia, Pedro Blanco, reafirmou hoxe a alianza do Goberno de Pedro Sánchez cos pequenos concellos de Galicia e o apoio aos gobernos locais na prestación de servizos públicos de calidade, independentemente do tamaño do municipio. Pedro Blanco reiterou o compromiso municipalista a favor da cohesión territorial do Goberno nunha visita institucional ao Concello de Forcarei, onde foi recibido pola alcaldesa, Verónica Pichel.
No encontro reiterou que “imos da man dos concellos para a súa transformación dixital, enerxética, sustentable e de atracción de poboación a través dun novo modelo económico”, lembrando que a través da Deputación de Pontevedra o concello de Forcarei recibiu unha subvención do IDAE de preto de 200.000 euros para a substitución de 386 luminarias no termo municipal, favorecendo o aforro enerxético.
Por otro lado, subliñou que a “pór a disposición dos veciños e veciñas e das empresas do rural as novas tecnoloxías é unha forma de cohesionar os territorios e para elo teñen que ter unha boa cobertura de internet”. A este respecto informoulle á alcaldesa de que no marco das diferentes convocatorias do Plan ÚNICO, Forcarei sumará preto de 1.000 vivendas/empresas con acceso a internet de gran velocidade.
Pedro Blanco incidiu en que o Goberno de España “é a administración que máis inviste nos concellos galegos e seguirao sendo grazas tamén ao Plan de Recuperación, Transformación e Resiliencia que está a chegar a cada recuncho de Galicia". Nese sentido, insistiu no protagonismo dos municipios dentro deste plan: "Estamos convencidos do potencial dos pequenos concellos e do seu papel protagonista na construción da Galicia do futuro, a que queremos: sustentable, moderna, cohesionada e con igualdade de oportunidades para toda a poboación".
El delegado informou finalmente que o Goberno traballa na redacción do proxecto para completar o asfaltado integral do tramo comprendido entre os PQ 51 e 68 da N-541 ao paso por Forcarei e Cerdedo Cotobade. O proxecto contará cun investimento de 5,8 millóns (IVE incluído) de euros e será adxudicado nos próximos meses para completar así a mellora integral da seguridade viaria nesta estrada nacional, que “como todas as da provincia e as de Galicia acumulan un enorme déficit de mantemento desde hai máis dunha década que temos que resolver”.
De outro lado, concluíuse a reparación do viaduto do Lérez en Pedre, cun investimento de 1,1 millóns e Transportes vén de formalizar un contrato de servizos por 8,73 millóns de euros (IVE incluído) para a execución de diversas operacións de conservación e explotación en estradas do Estado, na provincia de Pontevedra.

Campo de fútbol
O delegado do Goberno interesouse pola iniciativa da alcaldesa para completar a mellora das instalacións do campo de fútbol municipal, un proxecto cun orzamento de 535.000 euros para o que o Concello está a tramitar diferentes vías de financiamento. Pedro Blanco comprometeuse a darlle traslado desta actuación ao Ministerio de Educación e Deportes, co fin de que se estude a posibilidade de acceder a liñas de apoio estatal.