El subdelegado do Goberno en Ourense, Eladio Santos, subliñou esta mañá no Concello de Verín a aposta do Goberno de Pedro Sánchez pola recuperación de recursos termais despois de investir 150.000 euros do Plan de Sustentabilidade Turística - Ourense Termal na construción dunha sondaxe para captación de augas subterráneas no polígono de Caldeliñas.
El subdelegado desprazouse ata o lugar acompañado polo alcalde, Gerardo Seoane, co fin de supervisar o avance das obras de perforación que segundo o director facultativo da obra avanzan a bo ritmo. “O obxectivo é continuar co traballo para que a veciñanza goce deste novo recurso hídrico que abre un abanico de posibilidades a moitos niveis, tamén desde un punto de vista histórico e turístico”, asegurou o subdelegado.
La actuación ten como obxectivo captar augas susceptibles de ser posteriormente declaradas de uso terapéutico desde unha perspectiva mineiro-medicinal, “recuperando así o seu uso histórico”. O subdelegado recoñeceu o labor do alcalde “para pór en marcha proxectos en lugares emblemáticos como Caldeliñas, e tendeu a man do Goberno para continuar apostando “polo progreso de concellos pequenos que merecen atención para facer realidade as súas demandas”.
La actuación está incluída no Plan de Sustentabilidade Turística en Ourense Termal, un convenio asinado entre a Secretaría de Estado de Turismo, a Axencia de Turismo de Galicia e la Deputación de Ourense.