El delegado do Goberno en Galicia, Pedro Blanco, remarcou esta mañá a importancia de modernizar o sector mar-industria para asegurar o mantemento dunha actividade rendible e competitiva, “fundamental para o futuro da pesca en Galicia”. Así o afirmou durante un encontro cos responsables do grupo Porto de Celeiro e da Confraría de pescadores, no que estivo acompañado pola alcaldesa de Viveiro, María Loureiro, e a subdelegada na provincia, Isabel Rodríguez.
O delegado enmarcou esta reunión “no diálogo permanente deste Goberno co sector pesqueiro, un encontro positivo e produtivo para dar unha resposta conxunta aos retos e desafíos dunha industria que dá traballo a máis de 50.000 persoas, un 50% do emprego marítimo pesqueiro de toda España”.
En este sentido, quixo remarcar que “estamos ao carón do sector co fin de impulsar o tecido produtivo e o desenvolvemento económico da pesca en Galicia”, pondo como referente ao Porto de Celeiro como un paradigma do que o Goberno defende, “a aposta por unha actividade pesqueira moderna, sustentable e con futuro”. Así, destacou “que o futuro do sector pasa pola renovación e modernización da frota para contar con barcos máis seguros, eficientes e confortables que avancen cara á descarbonización”. Neste contexto, avanzou que proximamente sairán as axudas do PERCHE Mar-industria, unha convocatoria con 40 millóns de euros de orzamento do Plan de Recuperación, “tan demandado pola industria galega”.
Por outra banda, Pedro Blanco informou que Galicia é as CCAA que máis fondos recibe do Fondo Europeo Marítimo, de Pesca e Acuicultura (FEMPA) en España, cun total de 366 millóns de euros, polo que lle pediu á Xunta responsabilidade na xestión e que execute todos os programas “para que non quede nin un só euro sen investir en Galicia”.
Nesta liña, o Goberno de España destinou 70 millóns de euros en axudas para combustible, compensando os custos extraordinarios derivados do Brexit, a COVID-19 ou a guerra da Ucraína. Ademais, o delegado incidiu na falta de substitución xeracional e na transcendencia de accións encamiñadas na formación marítimo pesqueira, como a que se promoveu no Porto de Celeiro a bordo do buque Intermares.
Como conclusión tras a reunión, o delegado finalizou aseverando que “recollemos as demandas do sector e seguiremos traballando da man, porque o Goberno de España cree na pesca e no seu futuro”.
Pedro Blanco destaca en Celeiro a importancia de modernizar o sector mar-industria para garantir unha actividade rendible e competitiva
El delegado trasladou a vontade de diálogo permanente do Goberno para dar unha resposta conxunta aos desafíos dun sector que emprega a máis de 50.000 persoas en Galicia En este contexto, Pedro Blanco avanzou que proximamente sairán as axudas do PERCHE Mar-industria, unha convocatoria con 40 millóns de orzamento do Plan de Recuperación, “tan demandado pola industria galega” Pedro Blanco informou que Galicia é as CCAA que máis fondos recibe do FEMPA en España, cun total de 366 millóns de euros, polo que lle pediu á Xunta responsabilidade na xestión e que execute todos os programas “para que non quede nin un só euro sen investir” El Goberno destinou 70 millóns en axudas para combustible, compensando os custos extraordinarios derivados do Brexit, o COVID ou a guerra da Ucraína Recolleu as demandas do sector e situou ao Porto de Celeiro como un paradigma do que o Goberno defende, “a aposta por unha actividade pesqueira moderna, sustentable e con futuro”