Ourense, 22 de maio de 2024.- A subdelegación do Goberno en Ourense felicita e recoñece o labor e compromiso incansable e desinteresado dos axentes da Garda Civil polo 180º aniversario da fundación do corpo de seguridade do Estado.
O Subdelegado do Goberno en funcións, Manuel Arias, manifestou o seu especial agradecemento por "protexer eficazmente ás persoas e ás propiedades" ao longo dos anos, tal e como se recolle no seu decreto fundacional. Ademais de ser un corpo que emprega os seus esforzos por garantir a seguridade de todos e todas as ourensás e ourensáns con independencia do lugar onde residan, así como saber adaptarse aos tempos e aos grandes cambios como o imparable traballo realizado pola detección de ciberdelitos e a protección das vítimas de violencia de xénero.
Un traballo exemplar, sostido, sen excepción, polos alicerces do respecto, a consideración e comprensión ao cidadán.
Durante o acto, presidido polo Tenente Coronela xefe interino da comandancia da Garda Civil, Rafael Berguillo, realizouse unha entrega de condecoracións entre a que destacou a homenaxe realizada pola comandancia ao exsubdelegado do Goberno, Emilio González Afonso, polos seus anos de servizo á fronte da administración e o seu traballo coa man tendida por mellorar a situación da seguridade cidadá no rural e a remodelación das casas cuartel ao longo de toda a provincia.