La subdelegada do Goberno nA Coruña, María Rivas, interveu esta mañá no acto de inauguración do II Encontro “Feira de Emprego 45+” organizado pola Cámara de Comercio da Coruña, e que congrega durante o día de hoxe a máis de 500 persoas demandantes de emprego e a 70 empresas dos distintos sectores produtivos de Galicia.
Durante a súa intervención a subdelegada quixo pór de manifesto o compromiso do Goberno de España que traballa desde o primeiro día polo mellorar o emprego, os salarios e as prestacións, indicando que “non hai nada que impulse máis o crecemento dun país que ter un mercado de traballo moderno e dinámico. Por iso, o emprego é o primeiro; as persoas sodes o primeiro”.
María Rivas lembrou que “a través das transferencias do Estado apostamos decididamente por mellorar as políticas de emprego. Así, Galicia recibiu desde o ano 2021 máis de 645 millóns de euros para mellorar o mercado laboral, especialmente para a mellora das oportunidades de emprego, a orientación profesional, o emprendimiento, a modernización e a formación e recualificación”.
En este sentido subliñou a boa marcha do mercado laboral con “máis de 21.250.000 ocupados en España, 1.127.700 en Galicia. Datos históricos tanto a nivel nacional como en Galicia”. De igual maneira indicou o esforzo realizado polo Goberno na actualización constante do SMI acumulando un incremento desde o 2018 do 54%. E tamén o compromiso coas persoas en situación de desemprego a través da reforma das prestacións que conseguiu situar a cobertura das persoas desempregadas nun histórico 68%.
María Rivas, indicou que con estas accións o Goberno “demostrou que se poden enfrontar as crises sen deixar a ninguén atrás. Demostramos que podemos crecer economicamente como país e crear emprego, sen descoidar as coberturas sociais nin os salarios”.
La subdelegada do Goberno felicitou á Cámara de Comercio da Coruña pola organización deste ‘II Feira de Emprego: Encuentros 45+’ para pór en relación a oferta das empresas que buscan talento coa demanda das persoas demandantes de emprego de máis de 45 anos.