El delegado do Goberno en Galicia, Pedro Blanco, fixo un chamamento á industria conserveira galega a non deixar pasar a oportunidade de solicitar as axudas que convocará proximamente o Goberno para este sector no marco do PERCHE Agroalimentario. Foi no transcurso da entrega das Medallas Anfaco-Cecopesca, na que reivindicou a colaboración entre empresas e administracións para favorecer o crecemento de Galicia e de España.
En esta liña, sinalou que os gobernos teñen como labor favorecer a expansión industrial e a modernización do tecido produtivo. “Empresas e administracións somos aliados imprescindibles para garantir a compatibilización de todas as normativas. E puxo como exemplo a xestión do litoral, “onde se asentan a maioría das vosas empresas e que xestionamos o Estado e a Autonomía”, apuntou. A este respecto, indicou que esta colaboración “é frutífera por canto permitiu o asentamento das factorías, posibilita a súa expansión e modernización e, ao tempo, garantizador que Galicia manteña a costa mellor preservada de España”. Así, Pedro Blanco mostrouse convencido “seremos capaces de chegar a acordos para seguir nesa liña”.
Durante a súa intervención, o delegado felicitou aos premiados e as premiadas, entre as que destacou a figura de Xiana Méndez, secretaria de Estado de Comercio e responsable do ICEX. Como responsable das políticas de comercio, “impulsou a transformación do sector #cara un modelo máis sustentable e resiliente a través do Plan de Recuperación deste Goberno”.
Precisamente, Pedro Blanco destacou o feito de que o sector da conserva foi capaz de ver nas crises a oportunidade de avanzar e de reinventarse, apostando pola investigación, a innovación e a dixitalización. “E aí estivo o Goberno, ao lado das empresas, para converter estas crises en oportunidades de emprego, de modernización, de avances sociais”, transformacións, dixo, que se puideron intensificar grazas ao Plan de Recuperación e a todas as reformas normativas que impulsou o Goberno “e que seguiremos impulsando”.
Por último, o delegado exaltou a calidade das conservas, “as mellores embaixadoras de Galicia e ás máis democráticas, pois están presentes nas mesas máis humildes e nos restaurantes máis laureados do mundo. Esta é a vosa grandeza”, concluíu.