El delegado do Goberno en Galicia, Pedro Blanco, acompañado polo xefe superior da Policía Nacional en Galicia, Ramón Gómez Nieto, e a subdelegada do Goberno, María Rivas, supervisou esta mañá no porto da Coruña o exercicio de seguridade marítima MARSEC-24, que organiza anualmente a Armada e que serve para reforzar a colaboración entre distintos organismos e axencias do ámbito marítimo, civís e militares co obxectivo de salvagardar os intereses comúns nos distintos espazos marítimos españois.
Pedro Blanco tivo ocasión de seguir o exercicio, dirixido pola Policía Nacional, desde centrar de operacións habilitado na Comisaría da Coruña. Nel simulouse un incidente terrorista a bordo dun buque de pasaxe, o que supuxo a mobilización de efectivos en terra, mar e aire desde primeira hora do día en diversos escenarios da baía e o porto. Neste sentido, destacou a importancia da colaboración entre institucións para seguir facendo de Galicia un dos territorios máis seguros do Estado.
El simulacro contou coa participación da Policía Nacional, responsable da coordinación, a Autoridade Portuaria da Coruña, a Sociedade de Salvamento e Seguridad Marítima (Sasemar), a Armada, Capitanía Marítima, a Policía Nacional adscrita a Galicia, a Policía Local e os Bombeiros da Coruña e os servizos de emerxencia do 112 e do 061, entidades ás que o delegado do Goberno en Galicia felicitou pola excelente execución do mesmo.