Maceda,1 de abril de 2024.- O subdelegado do Goberno en Ourense, Emilio González, e a alcaldesa de Maceda, Uxía Oviedo, copresidieron esta mañá a terceira reunión da Xunta local de Seguridade do municipio na que analizaron detalladamente os datos sobre seguridade cidadá durante o último ano. O subdelegado do Goberno deu a benvida á Uxía Oviedo para quen se trataba da primeira reunión deste tipo que se ven realizando durante o seu mandato. Emilio González destacou a gran acollida que ten o Plan Director no municipio de Maceda que no presente curso duplicará as charlas no 50% nos centros educativos das vilas e aumentará as temáticas e diversificará as temáticas.
O Subdelegado destaca "a gran importancia que teñen este tipo de actividades para que o alumnado poida detectar e tomar consciencia de determinadas situacións e obter ferramentas para atallalas". Ademais, índice na necesidade de que se produza unhas implicacións dos pais e nais no coñecemento e na temática das charlas e anima aos centros educativos a que as continúen solicitando".
Durante o curso 2022-2023 impartíronse 5 charlas nos centros educativos de primaria e secundaria sobre acoso escolar; consumo de drogas e alcol e violencia de xénero. Neste curso ampliaranse a temática con conferencias sobre o uso de novas tecnoloxías. Así mesmo, continuarase cos dispositivos de vixilancia nas inmediacións dos centros educativos para previr o tráfico, consumo e tenza de drogas, así como todo tipo de condutas violentas.
MACEDA MUNICIPIO SEGURO
Emilio González sinalou que os datos relativos á seguridade cidadá indican que o índice de criminalidade do Concello de Maceda é un dos máis baixos da provincia de Ourense. O subdelegado do Goberno destacou que durante o ano 2023 observouse un descenso do número de infraccións con respecto ao mesmo período do ano anterior do 30%, especialmente no referido en delitos contra o patrimonio.
Ademais, o subdelegado instou á prevención e á realización de campañas disuasorias para a prevención de delitos contra as persoas. Así mesmo, o subdelegado do Goberno subliñou o traballo da Garda Civil e da Policía Local, a quen agradeceu os seus esforzos para asegurar e garantir a seguridade cidadá grazas á gran colaboración entre os corpos.