Abel Losada subliña a aposta pola industria limpa e competitiva do Goberno ao financiar con 7 millóns € tres grandes proxectos na provincia

El subdelegado do Goberno en Pontevedra, Abel Losada, anuncia que o Goberno de España investirá máis de 7 millóns de euros en tres empresas da provincia no marco do PERCHE de Economía Circular, promovido polo Ministerio para a Transición Ecolóxica e o Reto Demográfico.
Foresa (Caldas de Reis), Alumisel (O Porriño) e Ecocelta (Ponteareas) recibirán achegas dos fondos Next Generation por valor de máis de 7 millóns de euros para desenvolver catro proxectos dirixidos á mellora de xestión de residuos e á redución do consumo de materias primas virxes. O investimento total das catro iniciativas alcanza os 19,9 millóns de euros.
El subdelegado destacou que estas axudas “situarán a Pontevedra á cabeza de España no campo da economía circular, xa que permitirán desenvolver proxectos innovadores e únicos que contribúen a avanzar #cara un futuro máis verde e sustentable”.
En este sentido, Abel Losada destacou a axuda de 3.060.501 euros que recibirá a empresa caldense Foresa para a posta en marcha dunha planta de fabricación de biorresinas na localidade. Este novo centro estará destinado á fabricación e comercialización dun novo produto de biorresina, que permitirá substituír a aquelas resinas convencionais que empregan folmadehído, sustancia perigosa segundo a Unión Europea, e molibdeno, un metal crítico para a industria.
A nova biorresina estará fabricada cun concentrado de taninos extraído da cortiza de coníferas procedentes dos residuos de fabricantes de madeira da área. Losada destacou “o impacto dun proxecto como este, que se adapta á contorna na que se desenvolve ofrecendo unha saída a un excedente tan común na nosa zona como é a cortiza”. Segundo explicou o subdelegado, “o investimento, que supera os 9 millóns de euros, prevé a execución dunha planta piloto a escala de laboratorio para a mellora continua do proceso e a execución dunha planta a escala industrial de forma paralela”.
Por outra banda, a planta de Alumisel no Porriño, destinada á xestión de baterías e vehículos usados, recibirá dúas achegas por valor de 3.915.227 euros para o desenvolvemento de dous proxectos nas súas instalacións. O primeiro permitirá mellorar nun 65% a eficiencia do proceso de reciclaxe de metais mediante a integración de novos equipos, que aumentarán a capacidade de traballo das instalacións e posibilitarán a recuperación dun metal crítico para a industria como é o aluminio. A segunda axuda estará destinada á construción dunha nova planta de recuperación de residuos metálicos na localidade. Tal e como informou o subdelegado, prevese que as novas instalacións diminúan nun 90% os residuos derivados da recuperación metálica, o que equivalería a case 6.000 toneladas métricas de residuos ao ano, e recuperen o 70% dos residuos non metálicos. Ambos os investimentos alcanzarán os 10,5 millóns de euros.
Estas achegas súmanse a axuda de 171.491 euros que a Fundación Biodiversidade concedeu, no pasado mes de outubro, á empresa ponteareá Ecocelta para a mellora de xestión de residuos no marco deste Perche.
Abel Losada destacou que “estas axudas evidencian o avance imparable dos fondos do Plan de Recuperación, Transformación e Resilencia na provincia, que están a debuxar a Pontevedra do futuro: máis innovadora, verde e eficiente”.