A Delegación do Goberno en Galicia continua reafirmando o seu compromiso coa axenda feminista e coas políticas públicas que defenden e avanzan nos dereitos das mulleres a través dos actos previstos para a semana do 8 de Marzo, Día de la Mujer. Desde onte ata o luns da próxima semana os actos sucederanse nas diferentes dependencias do Goberno en Galicia, tanto na Delegación como nas Subdelegacións.
A semana do 8M comezará este luns en todas as Subdelegacións coa instalación dunha pancarta conmemorativa desta efeméride que presidirá as súas fachadas ata o luns 11 de marzo. Durante toda esa semana serán protagonistas os cursos de formación sobre o marco xurídico aplicable ás mulleres estranxeiras vítimas de violencia de xénero. Todos eles estarán dirixidos polos diferentes xefes e xefas das oficinas de estranxeiría e destinados aos servizos sociais existentes na provincia.
O primeiro deles realizarase nA Coruña o luns 4 de marzo ás 10.00 horas no salón de actos da Delegación do Goberno. Ao día seguinte terá lugar o de Lugo no salón de actos da sede da Axencia Tributaria ás 11.00 horas da mañá, continuando con Ourense, onde os servizos sociais serán citados no salón e actos da Subdelegación tamén ás 11.00 horas. Por último, a cita en Pontevedra está prevista para as 10.00 horas do día 7 de marzo na Subdelegación.
En paralelo a estas accións, o xoves 7 de marzo organizarase un coloquio con mulleres para lograr unha visión xeral da súa situación en Galicia. Las participantes serán mulleres novas que exporán as súas ideas e puntos de vista para que sexan escoitados e formen parte do debate público. O evento celebrarase na sede coruñesa do Museo Nacional de Ciencia e Tecnología (Muncyt) a partir das 12.00 horas.
Actos todo o ano
Os actos ao redor do 8M comezaron onte coa presentación por parte do delegado do Goberno, Pedro Blanco, do primeiro Punto Violeta do Servizo Público de Emprego Estatal (SEPE), situado nas oficinas da Dirección Provincial da Coruña e que, posteriormente, iranse estendendo ao resto das oficinas da entidade pública en Galicia.
As políticas públicas en defensa dos dereitos das mulleres son un dos eixos do Goberno de Pedro Sánchez. Neste sentido, a Delegación do Goberno busca estender a súa axenda feminista a todos os meses do ano, con accións que poñan o acento nestas políticas e na loita contra a secuela que supón a violencia de xénero.
Estas iniciativas teñen o seu máximo expoñente nos recoñecementos Meninas que outorga a Delegación, pero tamén noutros actos e actividades locais que achegan ao día a día dos galegos e galegas ideas e ferramentas na procura dun mundo máis igualitario entre homes e mulleres. Un bo exemplo é a mostra ‘Amigo, dáche conta’, que a Delegación do Goberno estreou o pasado 10 de novembro do 2023 nA Coruña e que xa visitou tamén Bertamiráns, no concello de Ames.