La subdelegada do Goberno en Lugo, Isabel Rodríguez, trasladou as condolencias á familia de Andrea Yrrury tras o crime machista ocorrido onte na localidade de Palma, no concello coruñés de Ribeira, mostrando a súa repulsa e indignación ante este novo caso de violencia de xénero. A subdelegada presidiu o minuto de silencio acompañada da alcaldesa de Lugo, Paula Alvarellos; edís da corporación municipal; o deputado provincial, Miguel Fernández; o comandante da Garda Civil, Carlos Barceló, e demais membros do corpo; subinspectores da Policía Nacional, así como gardas da UFAM; e persoal da Subdelegación e da Administración Xeral do Estado.
Isabel Rodríguez clamou pola “condena absoluta ante calquera tipo de violencia contra as mulleres, en todos os lugares, a todas as horas e coa maior das contundencias”. Determinou que a violencia machista “segue sendo unha das principais cuestións de Estado, pero sen a concienciación sen fisuras de toda a sociedade vai ser moi complexo mudar as estruturas que a perpetúan”.
En este sentido, remarcou que “a irresponsabilidade dalgúns representantes públicos que negan a violencia machista pode ter consecuencias irreparables, confundindo á sociedade e blanqueando un tipo de violencia tremendamente difícil de combater e que nesga a vida das mulleres polo simple feito de ser”.