Abel Losada destaca o gran labor do Capìtanía Marítima de Vigo para atender a forte carga de traballo da súa actividade inspectora

El subdelegado do Goberno en Pontevedra, Abel Losada, puxo hoxe en valor o intenso traballo desenvolvido desde a Capitanía Marítima de Vigo. Así o fixo durante unha visita as súas dependencias na que estivo acompañado polo capitán marítimo de Vigo, Manuel García, e pola secretaria xeral da Subdelegación, María Isabel Alonso. El subdelegado coñeceu o detalle as funcións e labores desenvolvidos por este servizo, que ordena e vixía o tráfico de buques e vela pola seguridade marítima nas rías de Vigo e Pontevedra, nas que entran anualmente máis de 8.000 buques nos dous portos estatais.
El subdelegado subliñou a intensa carga de traballo da Capitanía, que no ano 2023 tramitou un total de 4.313 expedientes de rexistro de buques no ámbito da súa demarcación, que ademais de Vigo, abarca Marín, Cangas e Baiona (un 15% máis que o ano anterior). Só no 2023 rexistráronse 40 buques de nova construción e a transferencia de titularidade doutros 940. Ademais, 234 cambiaron o seu nome e 272 solicitaron os correspondentes permisos de navegación. Manuel García explicou que o 50% dos buques civís que se constrúen en España saen dos estaleiros olívicos e marinenses, o que explica parte deste volume de actividade.
A actividade de inspección tamén se viu notablemente incrementada xa que, como explicou o subdelegado, a compra de Barreiras por parte de Armón aumentou o número de buques de bandeira española botados na provincia. “Se ata o ano pasado, víñanse construíndo un ou dous buques de máis de 500 toneladas (GTs), na actualidade están a construírse, só en Vigo, tres grandes embarcacións: o #Odón de Buen, buque oceanográfico de 70 metros de eslora, un arrastreiro de 68 metros de eslora para a compañía Copemar e o Armón 148, buque multipropósito para a Garda Civil de 80 metros de eslora. E ademais, outros dous buques -a Vila de Marín e o Eirado do Costal- están a ser ampliados, circunstancia que xera a mesma carga de traballo que un buque novo, dado que require das mesmas tramitacións e certificados”, aclarou. A esta lista hai que engadir o Cap de Barbaria, un buque con capacidade para carga rodada e transporte de mercadorías perigosas, capaz de albergar unha tripulación de case 400 persoas, que foi entregado o ano pasado.
Manuel García explicou que o colapso do dique flotante do varadoiro de Montevideo en decembro de 2022 provocou tamén que cinco arrastreiros conxeladores de gran altura e complexidade técnica “retornasen” ao porto de Vigo para a realización dos recoñecementos en seco. “Uns recoñecementos que foron asumidos por este servizo de inspección”, informou.
En total, desde Capitanía inspeccionáronse 723 buques e emitíronse 1.975 certificados de navegabilidad. Realizáronse 54 inspeccións a buques estranxeiros arribados a Vigo e Marín para a emisión do “Memorandum of Understanding” (MOU) e ademais fixéronse 10 inspeccións da “Lista Blanca”, é dicir, actuacións preventivas en barcos españois que partían a porto estranxeiro onde ían ser obxecto da revisión MOU.
En relación á actividade sancionadora deste servizo, no ano 2023 tramitáronse 185 expedientes sancionadores derivados das 355 denuncias recibidas no ano 2022. Da totalidade dos expedientes tramitados, o 31% dos correspondíanse con infraccións leves, un caso foi elevado a Audiencia Nacional e 8 foron arquivados, debido ao falecemento dos interesados/as ou por quedar probado que non existía infracción. A contía das propostas de sanción interpostas no ano 2023 superou os 1,2 millóns de euros.
Desde esta Capitanía Marítima tamén se despacharon no 2023 5.111 expedientes relativos ás titulacións náuticas. Abel Losada destacou que nesta oficina expedíronse ou renovaron 472 títulos e 792 cartóns profesionais, 2.356 certificados de suficiencia e de formación marítima, 307 cadernos de navegación e 749 documentos de identidade do mariño (DIM), entre outros. Ademais expedíronse 377 cartóns para patróns de náutica de recreo.
O subdelegado do Goberno coñeceu tamén o importante labor que desempeñan no despacho de buques, “o procedemento administrativo mediante o cal se comproba que os buques e embarcacións, incluídas as de recreo, compren con todos os requisitos legais para navegar”. Neste sentido informou que a Capitanía Marítima de Vigo ordenou o ano pasado a paralización temporal de 109 buques e a paralización definitiva de 2. Ademais, tramitou 9.880 expedientes de enrolamento e desenrolamento de tripulantes das embarcacións que arribaron ou partiron dos portos de Vigo e Marín.
Abel Losada visitou as instalacións, situadas no edificio da Estación Marítima, e compartiu tamén inquietudes co persoal da Capitanía Marítima de Vigo, onde traballan 31 persoas.