El delegado do Goberno en Galicia, Pedro Blanco, informa de que ata a o próximo 10 de febreiro as entidades sociais e deputacións provinciais poderán solicitar axudas ao programa Reto Rural Digital, que dispón de 21 millóns de euros nesta convocatoria. Estas axudas, convocadas polo Ministerio para a Transición Ecolóxica e o Reto Demográfico con fondos do Plan de Recuperación, teñen como obxectivo financiar accións de formación en competencias dixitais da poboación de zonas de reto demográfico.
Pedro Blanco destaca a importancia destas subvencións como ferramenta para pechar a fenda dixital e mellorar as competencias dixitais dos colectivos máis vulnerables como as persoas maiores ou en situación de desemprego. Ademais, subliña que “promove a inclusión e desenvolvemento equitativa das diferentes zonas e sectores de Galicia” e anima a todos os posibles beneficiarios a sumarse a esta iniciativa. O delegado subliña a oportunidade que presenta Galicia para acoller estas formacións, dado que na nosa comunidade 201 concellos son municipios do reto demográfico.
A través destas subvencións financiaranse programas de capacitación que permitirán ás persoas adquirir habilidades básicas para navegar na contorna dixital, realizar trámites coas administracións públicas e resolver problemas que xurdan no ámbito dixital.
Requisitos da convocatoria
Entre os requisitos, estes programas deben ter unha duración mínima de 7,5 horas e estar dirixidos a persoas maiores, mulleres, infancia e mocidade, e persoas desempregadas. Cada solicitante só pode presentar un proxecto e o importe solicitado non pode ser inferior a 200.000€ nin superar os 750.000€.
En cuanto a os gastos subvencionables, inclúense os gastos de persoal e os gastos de actividades, que comprenden alugueres, materiais, difusión e auditoría. Pódense financiar os gastos que executen estas entidades e deputacións desde o 1 de outubro de 2023 ata o 31 de marzo de 2026.
Pedro Blanco anima a Concellos e Deputacións a solicitar as axudas para formar en competencias dixitais á poboación que vive no rural de Galicia
02/02/2024
El Programa Reto Rural Digital financia accións de formación en competencias dixitais da poboación de zonas de reto demográfico e con especial atención a persoas maiores, e infancia e mocidade Lembra que en Galicia 201 concellos teñen a categoría de municipio de reto demográfico Destaca que estes programas de formación son unha ferramenta máis para axudar a pechar a fenda dixital entre o rural e a cidade As formacións ensinarán a navegar na contorna dixital, realizar trámites coas administracións públicas e resolver problemas que xurdan no ámbito dixital