La subdelegada do Goberno nA Coruña, María Rivas, realizou hoxe unha visita institucional aos Concellos de Corcubión, Muxía e Vimianzo, onde mantivo varios encontros cos seus alcaldes e alcaldesa así como con integrantes das corporacións municipais.
Durante a visita nos concellos de Corcubión, a subdelegada xunto con o Alcalde, Francisco Xabier Domínguez, achegáronse o paseo do Quenxe para supervisar as obras de reparación dos paramentos do muro do paseo e tamén a afectación do bordo debido aos últimos temporais; unha pequena actuación que está a desenvolver Demarcación de Costas e que reforzará a estrutura e mellorará o aspecto do paseo.
Posteriormente a subdelegada do Goberno desprazouse ata o concello de Muxía, onde xunto con o seu alcalde, Iago Toba, fixeron unha visita á praia da Cruz, onde se están desenvolvo labores de acondicionamento dos accesos á praia para mellorar a accesibilidade das persoas con discapacidade, e cuxos traballos se inician hoxe, co obxectivo de que estes accesos se atopen nas mellores condicións de face a este verán.
Finalmente, María Rivas, visitou o concello de Vimianzo, onde da man da súa alcaldesa, Mónica Rodríguez Ordoñez, quixo coñecer o proxecto para estender o tránsito peonil desde o lugar de Ponte do Porto ata a parroquia de Cereixo e deste xeito dar maior percorrido á senda que une este concello co veciño Camariñas.
La subdelegada do Goberno sinalou a necesidade de apoiar aos municipios, especialmente aos máis pequenos, xa que “con estas actuacións puntuais pero que son tan importantes para os concellos xa que supoñen unha mellora importante nas súas pequenas infraestruturas costeiras, especialmente para concellos onde o turismo é tan importante”.
Rivas, sinalou tamén que “deste xeito desde o Goberno podemos acompañar aos concellos na mellora dos seus servizos e infraestruturas para frear a perda de poboación e para garantir aos seus habitantes un futuro coas mesmas oportunidades para todos e todas”.