Verín (Ourense), 10 de xaneiro de 2024.- O subdelegado do Goberno en Ourense, Emilio González, e o alcalde de Verín, Gerardo Seoane, copresidieron esta mañá a reunión da Xunta Local de Seguridade na que se analizou a situación de seguridade pública e estudáronse as medidas do plan de autoprotección do Entroido dada a relevancia de ser parte do triángulo máxico do entroido e a proximidade desta festividade que comezará o próximo 1 de febreiro.
En materia de seguridade pública, Emilio González aproveitou para felicitar o traballo do Comandancia Verín durante o último ano, destacando o importante esclarecemento de delitos en máis do 40% e o desmantelamento da banda criminal que durante meses se dedicou ao roubo de cable de cobre por toda a provincia
Entroido
Respecto do Entroido, o Subdelegado solicita que se manteña o mesmo clima de seguridade que se vén levando a cabo nos últimos anos, polo que se mellorarán os accesos e as medidas de seguridade nas prazas para que os cidadáns de Verín poidan gozar do verdadeiro espírito do Entroido sen incidencias. E anuncia que se dará especial atención e prevención á convocatoria do precarnaval.
También pediu a máxima colaboración a outras administracións, especialmente á Xunta de Galicia, coa policía autonómica; así como a colaboración cidadá para o correcto desenvolvemento destes días de festas dadas as grandes aglomeracións que se esperan.
Para maior seguridade e información, o xoves incorporaranse cámaras de videovigilancia ás cámaras de AXEGA. Esta seguridade será reforzada coa axuda de Protección Civil e as forzas e corpos de seguridade do Estado desde o domingo ata o final do entroido.
Pola súa banda, o alcalde, Gerardo Seoane, explicou as medidas do "plan de autoprotección" que levan a cabo o Concello e as forzas de seguridade e que se estenderá durante todos os días do entroido.
Esta é a segunda das tres reunións de seguridade que presidirá o subdelegado nas próximas semanas. Os próximos días celebrarase en Viana do Bolo, percorrendo e analizando as medidas de protección que se levarán a cabo nas grandes localidades do Entroido.