El subdelegado do Goberno en Ourense, Emilio González, presidiu esta mañá o acto de celebración do Bicentenario da fundación da Policía Nacional no que agradeceu ao Corpo Nacional de Policía a “dedicación e profesionalidade coa que actúa cada día todo o persoal da policía nacional da provincia desenvolvendo o seu traballo con lealdade, compromiso e fidelidade para preservar a seguridade dos máis de 100.000 veciños e veciñas de Ourense.
“O voso traballo supón unha permanente dedicación á protección da cidadanía e a garantir a seguridade, o servizo público e a labor humanitario, xa que de depéndevos un alicerce importante da Democracia que é a seguridade”, asegurou o subdelegado.
El subdelegado aproveitou para pór de manifesto e destacar as actuacións levadas a cabo durante os últimos cinco anos nos que está á fronte da subdelegación e fixo especial fincapé no que levaron a cabo o pasado 2023; “a Policía Nacional traballou para velar a seguridade de dous procesos electorais, desmantelou unha rede de explotación sexual a mulleres, detivo a persoas implicadas en abusos sexuais, púxose en funcionamento unha Oficina do DNI no Barco de Valdeorras e a de Verín, detivo a persoas con actitudes delitivas e de agresión durante o lecer nocturno”.
Emilio González lembrou a “clara aposta” do Goberno de España e o “fiel compromiso” do Ministerio do Interior quen neste pasado 2023 alcanzou a “marca histórica” de axentes que conforman os Corpos de Seguridade en Galicia superando a taxa de reposición do 100 por 100 con máis de 9.000 efectivos de policía na comunidade e máis de 100 axentes desde o 2017 na provincia cos que non soamente se dotan de máis efectivos á seguridade nacional nas rúas, senón que tamén se vela por mellorar a atención á cidadanía con servizos como a posta en funcionamento da Oficina do DNI do Barco de Valdeorras”.
Así mesmo, o subdelegado quixo lembrar que desde o Goberno séguese traballando de maneira transversal para alcanzar unha igualdade real entre mulleres e homes tamén na Policía Nacional, onde se está impulsando un paquete de medidas de acción positivas co obxectivo de obter antes do ano 2030 máis dun 40% de mulleres nas promocións de acceso ao Corpo Nacional de Policía.
El acto do 200 aniversario
Ao acto, que consistiu no izado da bandeira nacional no edificio da comisaría provincial de Ourense e unha posterior homenaxe á memoria dos policía caídos en acto de servizo tamén asistiron Juan Cástor Vázquez Salado, Comisario Xefe Provincial do Corpo Nacional de Policía, Miguel Ángel Santalices Vieira, Presidente do Parlamento de Galicia, Gonzalo Pérez Jácome, Alcalde do Concello, Luis Menor Pérez, Presidente da Deputación Provincial, Eva Regueiro Rodríguez, Fiscala Jefa de la Audiencia Provincial e Rafael Berguillo Esquina, Comandante Jefe Interno de la Guardia Civil.
40 aniversario da comisaría de Ourense
Por outra banda, Emilio González lembrou a relevancia da celebración do bicentenario da fundación da Policía Nacional que neste ano 2024 “cobra unha gran relevancia na nosa provincia” xa que coincide coa celebración do 40 aniversario da inauguración do edificio no que se atopan as dependencias da comisaría provincial de Ourense, que se conmemorará ao longo deste ano/este ano.
Unha comisaría “emblemática” pola “calidade e variedade dos medios a disposición dos cidadáns”, como o Museo Policial que serve de recoñecemento a toda a memoria policial tal e como destacou o subdelegado.