La subdelegada do Goberno nA Coruña, María Rivas, fixo hoxe un chamamento á prudencia e á responsabilidade cidadá nas estradas en coincidencia co inicio da segunda fase da Operación de Tráfico de Nadal, que se prolonga entre a tarde de hoxe e a medianoite do 1 de xaneiro . Durante estas xornadas, as estradas da provincia da Coruña serán empregadas por 176.000 vehículos, segundo as previsións da Dirección Xeral de Tráfico: “estamos a falar do 26% dos vehículos que se desprazarán estes días por Galicia, case un terzo do total”.
María Rivas pediu a condutores e resto de usuarios a gardar as normas de tráfico e adecuar a condución ao estado da vía e ás condicións meteorolóxicas para non sumar ningunha persoa falecida máis na provincia. Neste sentido, advertiu sobre os desprazamentos curtos e nas vías secundarias, nos que é “absolutamente necesario non caer en excesos de confianza”. Lamentou que, desde o inicio da Operación de Nadal, o pasado 22 de decembro, faleceran 3 persoas nas estradas da provincia.
La subdelegada reiterou a total disposición dos medios do Subsector de Tráfico da Garda Civil, a DXT e os medios de conservación de estradas para facer posible a circulación segura nas vías da provincia. E reiterou o lema escollido este ano/este ano pola Dirección Xeral de Tráfico para a súa campaña de Nadal, que insiste na importancia de chegar ao destino.
A subdelegada avanzou que nestas datas prestarase especial atención ás zonas de lecer nocturno, turismo e áreas comerciais, que congregan a maior parte dos desprazamentos. Tamén se incidirá na prevención de consumo de alcol e drogas ao volante.
A Operación de Nadal de Tráfico deste ano/este ano desenvólvese entre o 22 de decembro e o 7 de xaneiro. Ao longo destas datas haberá 3 fases en coincidencia coas xornadas festivas. A primeira desenvolveuse ao redor da Noiteboa e o Nadal. A segunda comeza hoxe e finalizará o vindeiro luns. A terceira comezará o vindeiro venres e finalizará o día 7 de xaneiro pola noite. Durante estas tres fases as estradas da Coruña serán empregadas por 718.000 vehículos, case un terzo dos 2,1 millóns que se desprazarán polas estradas de Galicia.