O delegado do Goberno, Pedro Blanco, lembrou a aposta decidida do Executivo de Pedro Sánchez por Galicia e polo seu sector turístico, coa aprobación por parte do Consello de Ministros de 7.4 millóns de euros para a mellora da eficiencia enerxética e as competencias dixitais dos seus establecementos e traballadores.
Pedro Blanco lembrou que o Consello de Ministros autorizou, esta semana, a repartición territorial entre comunidades autónomas e cidades autónomas de 162 millóns de euros para Proxectos de Eficiencia Enerxética e Economía Circular das Empresas Turísticas, así como para o desenvolvemento dun Plan de Formación en Competencias Dixitais para el Sector Turístico.
No marco destes proxectos Galicia recibirá 7,4 millóns de euros procedentes do Plan de Recuperación, Transformación e Resiliencia. En concreto, a comunidade autónoma galega recibirá 4.963.600 millóns de euros para mellorar a eficiencia enerxética de ata 36 establecementos ou instalacións de empresas turísticas. “Con estes investimentos o Goberno pretende aumentar a competitividade das nosas empresas turísticas mediante o desenvolvemento de proxectos de eficiencia enerxética e economía circular que contribúan a reducir os custos enerxéticos e a pegada de carbono”, explicou o delegado.
Ademais, o concello de Ministros aprobou a distribución de 2.490.167 euros a Galicia para o desenvolvemento dun Plan de Formación en Competencias Dixitais para o Sector Turístico para o exercicio 2023. Os destinatarios destas accións formativas, que terán unha duración de 150 horas, serán as pemes e os traballadores do sector turístico de Galicia. A nivel global, preténdese que participen 19.350 persoas antes de finalizar o segundo trimestre de 2026.
Ambos os acordos deberán ratificarse na Conferencia Sectorial de Turismo e responden a un criterio de repartición en relación coa cifra de emprego turístico en cada comunidade autónoma e o número de establecementos e #habitación ofertadas por cada territorio, segundo figuran na Enquisa de Ocupación Hoteleira de 2019.