El delegado do Goberno en Galicia, Pedro Blanco, entregou hoxe á alcaldesa de Camariñas, Sandra Insua, as chaves da Casa do Mar de Camelle. Con este acto simbólico, ratificouse o acordo polo que o Ministerio de Inclusión cede ao Concello esta inmoble propiedade da Seguridade Social. A cesión estenderase durante 20 anos, tempo no que o Concello poderá destinar estes 443 metros cadrados a distintas actividades, co condicionante de que sexan de uso público. No acto tamén participou o director provincial da Tesouraría da Seguridade Social, Miguel Planas, quen entregou a documentación definitiva que rubrica a cesión.
El delegado do Goberno enmarcou esta transferencia no compromiso de colaboración permanente do Goberno de Pedro Sánchez cos gobernos locais e coa mellora dos servizos públicos que prestan á cidadanía. Neste caso maniféstase na reforma da normativa que regula o patrimonio da Seguridade Social aprobada o pasado mes de xaneiro. A modificación, xa en vigor, simplifica e facilita a colaboración entre a Seguridade Social e outras administracións, permitindo o uso de inmobles que non estean a ser utilizados para adscribilos a fins de utilidade pública. O delegado do Goberno destacou que, no caso de Camariñas, a cesión foi posible en seis meses cando antes este proceso dilatábase anos e moitas das veces os concellos desistían dos seus pedimentos polas numerosas trabas e impedimentos burocráticos que impuña a norma de 1992
Pedro Blanco avanzou que Camariñas, xunto con Santiago, son os dous primeiros concellos galegos que se beneficiaron do novo procedemento. No caso de Santiago foron dous inmobles para pór en marcha un centro sociocultural e un centro de día de xestión pública.
Nova xestión do Patrimonio
Pedro Blanco lembrou que existen numerosos inmobles baleiros propiedade do Estado que son obxecto de interese por parte doutras administracións, sobre todo os concellos, e sinalou con este cambio “facemos posible que o que é de todos poida ser gozado por todos e que aquelas administracións que queren pór en valor este tipo de inmobles poidan facer en beneficio da poboación”.
Ademais, a nova normativa establece por primeira vez a posibilidade de ceder o uso destes inmobles a outros fins públicos a través de organizacións non gobernamentais, asociacións ou outras entidades que queiran e poidan facerse cargo destes bens para dar un servizo á cidadanía.