La subdelegada do Goberno nA Coruña, María Rivas, puxo en valor o esforzo realizado polo Goberno para impulsar o sector vinícola, que se traduce nos máis de 12 millóns de euros que se van a investir nos próximos dous anos na posta en marcha de diferentes programas de axudas e subvencións destinados a atender as necesidades do sector do viño e mellorar a competitividade das marcas nacionais e autonómicas.
Estas axudas, das que poden beneficiarse todos os actores do sector, incluídas as Denominacións de Orixe, teñen por obxecto a mellora de instalacións de transformación e das infraestruturas vinícolas, así como as estruturas e instrumentos de comercialización para os produtos vitivinícolas
La subdelegada do Goberno, quixo resaltar a importancia do sector en Galicia, no Showroom organizado polo Consello Regulador da Denominación de Orixe Valdeorras que se celebrou no Hotel Finisterre da Coruña, no que participaron 19 adegas da esta Denominación, e no que se poden degustar as novidades e os viños das súas últimas colleitas.
María Rivas lembrou que Galicia vai recibir 7.768.570 euros xa comprometidos polo Ministerio de Agricultura, Pesca e Alimentación dentro do programa Intervención Sectorial do Viño (ISV) para o período 2024-2025. Estas axudas están enmarcadas dentro da nova Política Agraria Común (PAC), e contan cun orzamento para este programa sectorial de 202.1 millóns de euros anuais entre 2024 e 2027, ademais de responder as esixencias da nova PAC de que, polo menos, o 5% do orzamento sexa destinado a accións de carácter ambiental.
El programa ISV ten o obxectivo de mellorar a competitividade e impulsar a sustentabilidade dos viñedos do territorio nacional a través de varios marcos de actuación, como poden ser o investimento en instalacións e infraestruturas vinícolas para a mellora da eficiencia enerxética e as actividades de promoción e comunicación en terceiros países para impulsar a comercialización, entre outras actividades.
Así, María Rivas tamén quixo destacar os máis de 5 millóns de euros do PERCHE Agroalimentario, con cargo aos Fondos de Recuperación, que foron destinados ao proxecto GRAPERTE liderado pola Federación Española do Viño, que ten o obxectivo de transformar o sector vinícola nun máis dixitalizado e sustentable. O proxecto está promovido pola Federación Española do Viño e conta con 19 empresas e adegas, das que tres son galegas.