O delegado do Goberno en Galicia, Pedro Blanco, destacou a aposta do Goberno pola transformación sustentable dos concellos apoiando os proxectos promovidos desde as entidades locais para mellorar a calidade de vida da cidadanía, como é a nova senda litoral que unirá as Salinas de Ulló co lugar denominado A Cancela do Lobo, en Vilaboa. Esta actuación contará cun investimento superior aos 300.000 euros procedentes do Ministerio de Transición Ecolóxica a través da Dirección Xeral de Costas e Mar.
Pedro Blanco visitou xunto con o alcalde, César Poza, a zona da Ría de Vigo onde se construirán os dous novos tramos da senda costeira, que ampliarán de maneira moi importante o itinerario xa existente nas Salinas de Ulló. O delegado explicou que o desbloqueo desta actuación “moi demandada polo Concello manifesta a disposición que sempre mostra este Goberno ante calquera iniciativa que supoña unha mellora de vida para os cidadáns dos concellos galegos”.
“Neste caso”, explicou, “a nova senda vai cambiar o perfil costeiro de Vilaboa avanzando cara a consecución dun itinerario litoral que vertebre este territorio, xerando, ao mesmo tempo, un novo recurso turístico sustentable que vai atraer visitantes e dinamismo económico ao municipio”.
O proxecto atópase en fase de exposición pública e a súa execución levarase a cabo minimizando as afeccións ambientais, tendo en conta que se trata dun espazo protexido.
Mejora da mobilidade
Pedro Blanco aproveitou a visita a Vilaboa para repasar co alcalde os proxectos e investimentos estatais que se acometen no municipio. Así, destacou que vén de iniciarse por parte do Ministerio de Transportes, Mobilidade e Agenda Urbana a construción do paso a nivel na intersección da N-550 coa A-57 co obxectivo de favorecer a mobilidade entre os barrios de Carballal e O Toural. Trátase dun investimento de 400.000 euros que permitirá o paso de vehículos agrícolas, así como o tránsito de peóns e ciclistas por este punto”, explicou o delegado.
“Estes son feitos que evidencian que o Goberno de Pedro Sánchez é un goberno que escoita, que atende as demandas das vilas e da súa poboación, e que está comprometido co seu benestar e co municipalismo”, remarcou.
Por otro lado, o delegado lembrou o investimento de case 40.000 euros do Ministerio para a Transición Ecolóxica na mellora da eficiencia enerxética da casa do concello ou os 25.500 transferidos polo Ministerio de Igualdade a Vilaboa desde o ano 2018 ao abeiro do Pacto de Estado contra a Violencia de Xénero.