El delegado do Goberno en Galicia, Pedro Blanco, aproveitou a súa visita ao concello dA Gudiña para pór en valor a aposta e o impulso do Goberno de Pedro Sánchez coa transición dixital e a mellora da conectividade a todos os puntos da comunidade. Detallou que o Programa UNICO-Banda Larga facilitará a conexión de banda larga con velocidade ultrarrápida a 987 vivendas e empresas en 83 zonas deste concello, chegando ao 90% do territorio.
Sumando os proxectos en marcha, o Goberno achegará a conexión ultrarrápida a internet mediante fibra a 236.154 fogares e empresas de Galicia antes do fin de 2025. En total, as tres convocatorias supoñen un investimento de 91 millóns de euros na comunidade galega.
Pedro Blanco desprazouse ao Concello dA Gudiña onde mantivo un encontro co alcalde, Néstor Ogando, para supervisar os investimentos estatais neste municipio e coñecer as súas demandas. Así mesmo, informou sobre os diferentes programas dispoñibles do Goberno en materia de vivenda, transición ecolóxica, benestar social e administración pública.
El delegado puxo A Gudiña como exemplo da aposta do Goberno polos pequenos concellos, “que están chamados a ser protagonistas da transformación de España cara un país verde, dixital, sustentable e cohesionado, para alcanzar os obxectivos do reto demográfico” e o “compromiso do Goberno co rural e o seu desenvolvemento”.
Entre as tres convocatorias do Plan UNICO, o Goberno inviste na provincia de Ourense 23,6 millóns de euros para levar a tecnoloxía de conexión de alta velocidade a máis de 55.700 vivendas e empresas da provincia. Neste sentido, o delegado explicou que o Goberno subvenciona en Galicia o 80% do custo dos proxectos, que son un exemplo de colaboración público-privada, xa que as empresas achegan o que resta ata a totalidade do custo destas actuacións. Os proxectos deberán estar finalizados antes do 31 de decembro de 2025.
Plan UNICO Demanda Rural
El delegado do Goberno tamén destacou a convocatoria do Plan Unico Demanda Rural que mellora a cobertura nas zonas remotas e rurais a un prezo alcanzable , ”incidindo na democratización e ruptura da fenda dixital”.
Este programa é posible grazas á tecnoloxía satelital adxudicada a Hispasat polo Ministerio de Asuntos Económicos e Transformación Dixital e que permite acceder á alta velocidade en territorios remotos nos que non se poida dispor de tecnoloxía fixa a un prezo que non poderá ser superior aos 35€ mensuais. Blanco sinalou que se trata dunha “moi boa noticia para unha provincia cunha extensión territorial e montañosa como a de Ourense”.