El delegado do Goberno en Galicia, Pedro Blanco, aproveitou a súa participación este mércores nos actos do 50 aniversario da compañía Hermasa para animar ás empresas galegas a aproveitar os fondos do Plan de Recuperación do Goberno para avanzar na aplicación das novas tecnoloxías e a Intelixencia Artificial.
“Só o PERCHE de descarbonización supón un investimento de 3.100 millóns de euros para financiar actuacións encamiñadas á eficiencia enerxética, tan importante no sector”, destacou Pedro Blanco, quen tamén lembrou que nos últimos días o Goberno lanzou unha liña de 75 millóns de euros para impulsar a transformación dixital das empresas, ou o programa de apoio ao emprendimiento industrial, cun orzamento de 98 millóns de euros.
El delegado puxo estes investimentos como exemplo de que o Goberno de España “é o mellor aliado das empresas galegas”, unha liña na que vai seguir da man de firmas como Hermasa, especializada na construción de maquinaria para a industria conserveira do peixe, “que non ten medo á Intelixencia Artificial”.
Durante a súa intervención, na que enxalzou a “capacidade asombrosa” da empresa para avanzar no coñecemento, destacou o labor da súa directiva e, en especial, da súa presidenta, Sara Rodríguez, quen dirixe desde os 21 anos a empresa líder mundial en tecnoloxías do sector conserveiro.
A este respecto, Pedro Blanco recoñeceu o exemplo que deron os fundadores de Hermasa ao ceder o mando da empresa á actual presidenta. Este Goberno comparte o compromiso pola igualdade en todos os ámbitos, incluído o da empresa. Con todo, como apuntou o delegado, “aínda estamos lonxe do 50%, xa que os estudos dinnos que as mulleres só representan o 38% dos postos directivos en España e o 36% en Galicia. Toca seguir traballando pero imos polo bo camiño”, indicou.
Apuesta pola innovación
Pedro Blanco insistiu en que Hermasa está a demostrar a importancia de explorar, coñecer e analizar datos para mellorar. Proba diso é a súa máquina Smart Tunipack, capaz de fabricar 500 latas por minuto e cuxo desenvolvemento contou co apoio financeiro do Ministerio de Ciencia e Innovación. “Falamos dunha das 70 marcas e patentes que Hermasa introduciu noutros puntos países dos cinco continentes”, nun proceso de intenacionalización no que a empresa viguesa tamén contou co apoio do Goberno de España a través de Instituto de Comercio Exterior (ICEX).
En este camiño, dixo, “o Goberno de España vai estar ao voso lado, como ata agora: colaborando e apoiando para favorecer o crecemento económico e empresarial, o voso e o de Galicia”, concluíu o delegado.