Pedro Blanco celebra os máis de 8,5 millóns de euros en axudas do Goberno para impulsar 23 proxectos innovadores de mobilidade eléctrica en Galicia

O delegado do Goberno, Pedro Blanco, destacou hoxe os máis de 8,5 millóns de euros que o Goberno concedeu en axudas para proxectos innovadores de mobilidade eléctrica en Galicia. O delegado avaliou o impacto na Comunidade das dúas convocatorias do Programa MOVES Singulares II, xestionada polo Ministerio para a Transición Ecolóxica e o Reto Demográfico con fondos do Plan de Recuperación, Transformación e Resiliencia do Goberno.

Pedro Blanco destacou que a segunda convocatoria deste programa resolveuse o pasado mes de xuño e nela adxudicáronse en Galicia máis de 6,5 millóns de euros para 17 proxectos desenvolvidos por 10 entidades e empresas diferentes. Estes proxectos únense aos seis proxectos adxudicados na primeira convocatoria, que deixou en Galicia outros 2 millóns de euros en axudas.

Entre os proxectos seleccionados polo Instituto para a Diversificación e Aforro de Enerxía (IDAE), organismo adscrito ao Ministerio para a Transición Ecolóxica e o Reto Demográfico, hai iniciativas como a instalación de puntos recargo eléctrico con almacenamento, sistemas de recarga múltiple e de alta potencia, así como fomento de transporte eléctrico público.

Pedro Blanco sinala a oportunidade que xeran estas axudas para desenvolver programas de mobilidade eficientes e sustentables, como o proxecto de desenvolvemento da rede intermodal, intelixente e sustentable de transporte eléctrico na zona da Ribeira Sacra. O plan , que impulsa o Consorcio de Turismo Ribeira Sacra, recibe do Goberno 1.456.000 euros, un 40% do total do custo (3.640.000€). A resolución destas axudas destaca deste proxecto a alta complexidade técnica asociada, posto que se trata dunha zona moi complexa en canto á propia topografía (pendentes, desniveis, trazado das vías), as características dos seus usuarios (habitantes, turistas, peregrinos, bicicletas) e, por último, por tratarse dunha contorna turística local atomizada e dispersa, na que a accesibilidade é un factor esencial.

O programa MOVES Singulares

O programa, financiado a través do Plan de Recuperación, Transformación e Resiliencia, busca impulsar novos desenvolvementos tecnolóxicos no transporte público e privado, acelerar a súa madurez e, con iso, a súa comercialización posterior. Así mesmo, o programa complementa o impulso á mobilidade eficiente e sustentable iniciado coa publicación das tres edicións dos programas á mobilidade eficiente e sustentable (Programa MOVES I, Programa MOVES II e MOVES III) e dá continuidade ao Programa MOVES Singulares I, que foi un éxito en canto á cantidade e calidade dos proxectos presentados.

Proxectos na segunda convocatoria de MUEVES Singulares II en Galicia