La subdelegada do Goberno nA Coruña, María Rivas, participou no acto de celebración do Día Mundial das Persoas Refuxiadas organizada pola ONG Entreculturas, no que visibilizaron as problemáticas coas que se atopan as persoas refuxiadas unha vez chegadas ao noso país.
Durante a súa intervención, María Rivas recalcou que un dos obxectivos máis importantes do desenvolvemento sustentable é garantir unha “educación inclusiva, equitativa e de calidade para todas e todos” e que para alcanzalo, a sociedade e as administracións deben “avanzar da man”.
La subdelegada sinalou que unha das prioridades para alcanzar unha sociedade xusta e comprometida é o dereito á educación para as nenas e nenos refuxiados que se atopan nunha situación de “extrema vulnerabilidade social e emocional”, e que Goberno e sociedade teñen a “obriga moral non só de acollelos se non tamén de protexelos”.
No evento realizaron diferentes actividades destinadas a sensibilizar sobre os procesos de acollida que viven as persoas refuxiadas ao chegar ao noso país, entre elas unha mesa informativa e un photocall, abertos a todo o público. Tamén realizaron unha yincana para centros escolares que forman parte da Rede Solidaria de Mozas, un programa xuvenil da ONG.