La subdelegada do Goberno nA Coruña, María Rivas, desprazouse ata Santiago de Compostela para participar na inauguración da Asemblea Anual do Sindicato Unificado de Policía (SUP), convocada para analizar os dereitos e compromisos actuais da Policía Nacional en Galicia.
Durante a súa intervención, María Rivas destacou a importancia da “participación e a comunicación coas administracións, pois todos e todas traballamos por un obxectivo común: ofrecer o mellor servizo á cidadanía”. Nesta liña, puxo en valor a colaboración que existe entre os corpos da Policía Nacional e da Policía Autonómica en Galicia para protexer o territorio e garantir a seguridade da cidadanía e das institucións.
También agradeceu o traballo realizado polos axentes da Policía Nacional cada día na rúa: “non é tarefa fácil ofrecer a mellor atención á cidadanía, ao millón douscentos mil galegos e galegas que habitan nos 3.600 quilómetros cadrados das cidades e vilas de Galicia”. Asegura que “este traballo e dedicación fai posible que Galicia sexa unha das comunidades máis seguras de España, a terceira con menor índice delituoso e maior índice de resolución de casos”.
Desde a Delegación e a Subdelegación do Goberno, María Rivas mostrou un “compromiso inquebrantable” con tres ámbitos da seguridade crave para a sociedade galega: a loita contra a violencia de xénero e a ciber delicuencia, e a protección do libre exercicio dos dereitos e liberdades das persoas, xa que “só desde a seguridade podemos ser libres e só con seguridade alcánzase o benestar social e progreso que desexamos”.
Durante o seu discurso, a subdelegada tivo un recordo ás persoas homenaxeadas no encontro deste ano/este ano. Finalizou a súa intervención cun desexo, o éxito da asemblea xa que, desde o seu parecer, “será bo para a Policía Nacional e por tanto para a cidadanía”.