Maica Larriba participa na entrega do carné de “ciberexperto” a escolares de Salcedo

La subdelegada do Goberno en Pontevedra, Maica Larriba, participou esta mañá no acto de entrega dos carnés de ciberexpertos outorgados pola Policía Nacional a unha vintena de alumnos e alumnas do CEIP de Cabanas, en Salcedo. No acto participaron tamén a comisaria do Comandancia de Pontevedra, Montserrat Hernández, e dous axentes da Unidade de Protección Cidadá.
Este acto foi a culminación da aplicación do programa Ciberexpert@s desenvolvido pola Unidade de Protección Cidadá da Policía Nacional de Pontevedra e mediante o cal se pretende sensibilizar, concienciar e formar aos alumnos e alumnas destes centros dos riscos existentes ao utilizar as redes sociais e dos recursos e mecanismos #existente para protexerse ante estes perigos.
O programa, cunha duración de cinco horas lectivas, está dividido en dez unidades didácticas nas que, entre outras cuestións, incídese en aspectos como o ciberacoso, a suplantación de identidade, o grooming, o sexting, tecnoadiccións, normas para manter a privacidade dos usuarios, así como recursos e consellos para realizar unha navegación segura.
La subdelegada do Goberno felicitou ao alumnado pola superación deste curso e recoñeceu o labor que realiza a Policía Nacional para formar en seguridade no uso de internet, recalcando aos estudantes a importancia de coñecer non só as vantaxes, senón tamén os riscos que implican o uso destas tecnoloxías e de comunicar aos seus pais, escola ou á Policía cando detecten un destes perigos.
Maica Larriba subliñou a importancia de recibir este tipo de formación e de que os menores saiban recoñecer que determinadas condutas que se realizan a través de internet son consideradas un delito. Así mesmo, a subdelegada insistiu ao alumnado na importancia de que transmitan os coñecementos adquiridos na súa contorna familiar, “axudando así a pais, avós e avoas no uso das novas tecnoloxías”.
Por último, a subdelegada quixo aproveitar este acto para facer unha pequena homenaxe á directora do colexio, recentemente falecida, e agradecer a súa implicación neste programa para que o alumnado do CEIP de Salcedo puidera contar cunha formación que fora máis aló do currículo escolar.