La subdelegada do Goberno en Pontevedra, Maica Larriba, participou esta mañá no acto de apertura do ′Proxecto de actuacións de turismo e termalismo: IMSERSO-CNSE′ que tivo lugar hoxe en Vigo. Ao abeiro deste proxecto, financiado polo Goberno, a cidade olívica recibirá durante esta semana e a próxima a 200 persoas xordas que poderán gozar dun programa de lecer adaptado as súas necesidades.
Durante a súa intervención, a subdelegada deu a benvida “á provincia de Pontevedra e á cidade de Vigo” a todos os asistentes, e lembroulles “as múltiples e diversas posibilidades para gozar das vacacións” que ofrecen as Rías Baixas.
Esta iniciativa, financiada polo Instituto de Maiores e Servizos Sociais (IMSERSO) e organizada pola Confederación Estatal de Persoas Xordas (CNSE), enmárcase nas axudas para actuacións de turismo e termalismo para persoas con discapacidade do Ministerio de Dereitos Sociais e Axenda 2030. O proxecto permite as persoas que participan nel gozar dunha/unha semana de vacacións nunha/unha rexión española, que varía cada ano, ofrecendo unha/unha alternativa de lecer adaptado e pensado para as persoas xordas. Nesta ocasión, a cidade de Vigo foi a elixida para recibir, en dúas quendas consecutivas, aos dous centenares de participantes.
Maica Larriba lembrou que o Goberno de España leva máis dunha/unha década apoiando “os programas de turismo e de termalismo como una/unha forma de mellorar a calidade de vida e a saúde das persoas maiores e aquelas con diversidade funcional, xa que está demostrado que estes períodos de descanso e lecer favorecen as relacións interpersoais e redundan na mellora da saúde de todos os seus participantes”. A subdelegada subliñou tamén outro dos alicerces fundamentais destas actuacións, “a integración, meta fundamental deste Goberno e que garante, seguindo o mandato constitucional, a igualdade de oportunidades de todas as persoas”.
A primeira rolda de participantes permanecerá na cidade de Vigo do 7 ao 12 de maio e a segunda do 14 ao 19. Durante a súa estadía, realizarán diferentes excursións polo sur de Galicia e visitarán algúns dos seus parques naturais.