Ourense, 08 de maio de 2023.- O subdelegado do Goberno en Ourense, Emilio González, asistiu hoxe á inauguración das XV Xornadas Informativas Hispano Alemás, nas que durante dous días, luns 8 de maio e martes 9 de maio, técnicos da seguridade social alemá e española asesorarán sobre materia de pensións a traballadores ou pensionistas.
González Afonso destacou o valor que achegan estas xornadas para os pensionistas e inmigrantes da provincia de Ourense; e puxo en valor que se poidan retomar celebrando a súa quinceava edición despuéss de 3 anos de parón debido á crise sanitaria provocada pola pandemia, a última edición celebrouse no 2018. Desta forma, os funcionarios da seguridade social atenderán a máis de 100 cidadáns nos próximos dous días para informar de todos os cambios lexislativos en materia de seguridade social e dereitos que se produciron no país alemán nestes tres anos.
Expertos da Seguridade Social española e dos organismos das pensións alemás (Deutschen Rentenversicherungque) organizan conxuntamente quince xornadas informativas internacionais sobre Seguridade Social, trece delas en España e outra en Alemaña (Frankfurt) facilitarán unha información gratuíta e personalizada, a traballadores ou pensionistas, residentes na nosa provincia, que traballaron no país de Alemaña e supón un medio para perfeccionar dereitos a futuras prestacións en aplicación da normativa europea de coordinación en materia de seguridade social.
Os tres eixos fundamentais que se abordarán son os seguintes: Períodos de cotización acreditados neses países, requisitos esixidos para as futuras pensións (idade, anos de cotización, etc.), e a contía da pensión de xubilación e solución de posibles incidencias en expedientes que se atopen actualmente pendentes de resolución ou acabado con algún detalle para aclarar ou emendar.
O asesoramento sobre a lejislación internacional dirixirase a aquelas persoas que solicitaron “cita previa” para acudir ás xornadas, con información especializada sobre futuros dereitos a pensións, ou que permite a preparación de futuros expedientes a xestionar polos organismos internacionale así como ofrecer información personalizada.
O Subdelegado estivo acompañado pola Directora provincial do INSS, Carolina Gancedo e o organizador das xornadas, Luis Antonio Iglesias no centro de atención e información ao cidadán (CAISS) que ten a seguridade social na Praza de Eduardo Barreiros da cidade onde os ourensáns serán atendidos en horario de 9 a 14 horas e de 16 a 18 horas segundo a súa cita previa.
As edicións anteriores a estas xornadas informativas desenvolvéronse cunha alta participación dos cidadáns, máis de 3.000 atencións presenciais personalizadas, e cun alto grao de satisfacción da información recibida.