Isabel Rodríguez anima ás entidades locais da provincia a adherirse ao programa do Goberno para recibir asesoramento na xestión e execución de fondos do Plan de Recuperación

O Ministerio de Facenda e Función Pública promove a través de Tragsatec, filial pública, este plan para maximizar os fondos do Plan de Recuperación que están a impulsar máis de 2.500 actuacións nos 67 concellos lucenses Hasta o momento, son 16 as entidades locais que se subscribiron a este programa que ofrecerá o servizo a través dunha oficina autonómica e catro equipos antena en cada unha das provincias Tragsa encargarase de axudar en todo o proceso ás entidades adheridas, desde as convocatorias ata a resolución, así como o cumprimento do código de boas prácticas e dos deberes de xestión

La subdelegada do Goberno en Lugo, Isabel Rodríguez, animou hoxe ás entidades locais da provincia a adherirse ao programa do Goberno para axilizar e facilitar o acceso dos municipios aos fondos do Plan de Recuperación, Transformación e Resiliencia e garantir, deste xeito, a súa correcta xestión e execución. Isabel Rodríguez mantivo este xoves unha reunión na Subdelegación co xerente da empresa pública Tragsa na provincia, Manuel Escariz; e co coordinador do plan en Lugo, Javier Otero, para supervisar o desenvolvemento deste servizo que o Ministerio de Facenda e Función Pública promove a través de Tragsatec, filial pública.

La subdelegada destacou o impacto deste proxecto estatal na provincia, onde o Plan de Recuperación está a impulsar máis de 2.500 actuacións nos 67 concellos lucenses. Neste sentido, incidiu na importancia desta iniciativa para maximizar estes fondos e despregar os investimentos de forma eficaz en todo o territorio.

Ata o momento, son 16 as entidades locais que se subscribiron a este programa, orientado principalmente as localidades de menos de 5.000 habitantes, pero tamén está aberto a outras administracións, como é o caso das deputacións. Concretamente, os municipios adheridos ao plan son Antas de Ulla, Bóveda, Lourenzá, Negueira de Muñiz, A Pobra do Brollón, Rábade, Riotorto, Ribas de Sil, Sober, Xove, Palas de Rei, Portomarín, Cervo, Abadín, A Pontenova e Pol.

Asesoramiento técnico
Tragsa oferta este servizo de asistencia técnica, a través da súa filial Tragsatec, desde o pasado 15 de marzo. Para poder acceder a esta asistencia, as entidades deben adherirse voluntariamente ao programa, dirixido desde a Secretaría Xeral de Orzamentos Europeos do Ministerio de Facenda e Función Pública, sen que a súa adhesión implique deberes adicionais ás xa recollidas na normativa que rexe para todas as entidades executoras do PRTR. Tragsa, pola súa banda, encárgase de axudar en todo o proceso ás entidades adheridas, desde as convocatorias ata a resolución, con especial incidencia no manexo da plataforma CoFFEE, un sistema de información integrado no que os xestores designados por cada administración -previa formación- dan conta do avance dos proxectos. Tamén velará polo cumprimento do código de boas prácticas e dos deberes de xestión do Plan de Recuperación.

Las xestións que ofrece este servizo son complementarias ás que xa veñen desenvolvendo a Subdelegación e a Delegación do Goberno nos diferentes concellos. Para iso, a empresa pública conta cun equipo de asistencia central, outro a nivel autonómico e un equipo antena en cada unha das catro provincias. Nestes intres, Tragsa está a finalizar de conformar estes equipos, que comezarán a funcionar de forma inmediata