Ourense, 19 de abril de 2023.- “El factor exceso de velocidade ou velocidade inadecuada está presente en multitude de sinistros viarios, xa sexa como causa única ou conxunta na produción do sinistro.”, este é un das principais mensaxes co que esta mañá arrincou a campaña de control e vixilancia e velocidade que desde este luns día 17 de maio e ata o venres 21 de abril pon en marcha a DXT.
O subdelegado do Goberno estivo presente no control desta campaña na provincia de Ourense que foi realizado esta mañá no PK 2 da OU-536 ao seu paso por Vos Viros – estrada convencional con maior taxa de sinistralidade da provincia- onde estivo acompañado polo xefe provincial de tráfico, David Llorente; a subjefa provincial de Tráfico da provincia, Andrea Conde; o Teniente xefe accidental do subsector de Tráfico da Garda Civil en Ourense, Javier Barja. Emilio González defendeu a mensaxe de que “O obxectivo desta campaña é reducir a velocidade media, e contarase co apoio das policías municipais para conseguir un maior alcance”.
Durante a súa intervención, Emilio González lembrou que “os excesos de velocidade supoñen sete de cada dez sancións impostas nas estradas galegas”. A campaña lévase a cabo non só en estrada senón tamén nas rúas dos Concellos con Policía Local que se sumen á campaña.
En Ourense a Policía Local da cidade é posible que realice algún control neste sentido. González lembrou que desde o 11 de marzo de 2021 rexe a velocidade máxima de 30 km/h en rúas dun carril por sentido; na cidade de Ourense non se rexistrou atropelo mortal algún desde a esta medida aprobada polo Goberno.
Mediante estes controis preténdese controlar o exceso de velocidade, que é a velocidade á que circulamos superior á permitida na vía cuestión (velocidade xenérica ou velocidade específica segundo sinalización).
En cambio, tamén é importante a velocidade inadecuada, a que aínda sendo legal non é a adecuada para circular en condicións climáticas adversas, tramos con obras, en mal estado ou con incidencias similares.