Ourense, 13 de abril de 2023.- O programa "MAVI: a maleta viaxeira contra a violencia de xénero" da Subdelegación do Goberno inicia hoxe unha nova etapa na que dúas maletas viaxarán ata os Centros de Información ás mulleres maltratadas da provincia de Ourense. O proxecto arrincou o pasado mes de novembro, no marco dos actos conmemorativos do 25 Día Internacional contra a Violencia sobre a Mujer e nel promóvese a lectura de libros con perspectiva feminista para crear fortalezas nas que homes e mulleres poidan enfrontarse ás relacións persoais e ser capaces de pór límites.
O Subdelegado do Goberno, Emilio González, e a directora da Unidade de Violencia de Xénero na provincia, Alida Iglesias, mantiveron esta mañá unha reunión na Subdelegación do Goberno con representantes de 10 do 17 CIMM que hai na provincia de Ourense para presentarlles o programa.
Emilio González destaca a “importancia e relevancia deste programa no empoderamiento feminino e a gran acollida que tivo na que 10 dos 17 centros solicitaron incorporarse ao programa”.
Entre os centros que solicitaron a súa adhesión ao programa atópanse o da Comunidade de Santa Águeda do Concello de Vilamarín, Pai Feijoo do Concello de Pereiro de Aguiar, o CIMM do Concello de Ourense, o Concello de Carballeda de Avia, a Mancomunidade de Terras de Celanova, Comunidade Conso Frieiras e Comunidade Ribeiro; así como o CIMM dos Concellos de Carballiño, Barbadás e Viana do Bolo.
Á reunión tamén asistiron representantes da Policía Nacional, Policía Local de Ourense e Policía Autonómica que se atopan dentro da unidade de Viogen e que participarán nas charlas coloquio mensuais que se realizarán como parte do programa nos diferentes centros de información aos que a maleta viaxe.
MAVI contén un total de dezaseis títulos de textos literarios que promoven a reflexión, sensibilización e concienciación sobre temas crave para conseguir unha sociedade máis igualitaria e libre de violencia, fomentando o pensamento crítico fronte aos estereotipos e roles de xénero que perpetúan a violencia e as desigualdades. Alida Iglesias explica que “a través dos libros e os contos poden verse reflectidos en situacións das que toman conciencia de que poden saír adiante”.
A maleta viaxeira en Pereiro de Aguiar
En este mesmo sentido, o Subdelegado do Goberno destaca que se trata dunha continuación dun programa que se vén desenvolvendo desde o pasado 25 de novembro no centro penal de Pereiro de Aguiar onde a maleta permaneceu máis de 2 meses no módulo de mulleres e tamén no módulo CTI - condutas terapéuticas intrapenitenciarias - xestionado por Proxecto Home. González Afonso destacou o carácter positivo destas charlas e a participación e implicación dos internos, favorecendo ás súas condutas.
Donde nos próximos meses, os bolseiros do módulo poderán ter acceso ás diferentes lecturas e compartir as súas experiencias como membros dos equipos de Policía Nacional, Garda Civil e Policía Local que traballan con vítimas de violencia machista no sistema VioGen da provincia. .