La subdelegada do Goberno nA Coruña, María Rivas, participou esta tarde, acompañada polo alcalde Xosé Lois García na presentacion da biblioteca dixital de Ponteceso que contou coa presenza dos irmáns Bolechas.
Grazas á plataforma eBiblio do Ministerio de Cultura, desde hoxe a biblioteca municipal de Ponteceso terá acceso a 8.000 libros dixitais, 6.000 para público adultos, 2.000 para público infantil e 162 revistas, que tanto as usuarias como os usuarios poderán descargarse de maneira gratuíta en calquera dispositivo móbil.
María Rivas subliñou que coa plataforma eBiblio, o Goberno ten como obxectivo dotar de igualdade de oportunidades e acceso á cultura a toda a cidadanía independentemente do lugar no que viva, ademais de reducir a fenda dixital .
Durante a presentación da biblioteca dixital María Rivas deu o parabén alcalde por aproveitar os recursos que o Goberno pon a disposición de toda a rede de bibliotecas públicas españolas.
María Rivas fixo fincapé en que programas como eBiblio forman parte da aposta do Goberno de España e da colaboración con todos os municipios sobre todo cos municipios máis pequenos para facer reto á fronte demográfico e á loita contra o despoboamento, fomentando a cohesión territorial.
“Esta mensaxe teno moi claro o alcalde de Ponteceso que sabe que para fixar poboación hai que ofrecer servizos de calidade á cidadanía, servizos como o que hoxe presentamos aquí no que o Goberno de España e o concello de Ponteceso van da man”, destacou a subdelegada.