El delegado do Goberno en Galicia, José Miñones, subliñou como o Goberno de Pedro Sánchez dá un paso máis para a conexión estratéxica de Galicia con Europa co futuro Corredor Atlántico ferroviario, que se presentou hoxe en Xixón. José Miñones asistiu esta mañá á presentación oficial desta infraestrutura a cargo do novo Comisionado do Goberno para o Corredor Atlántico, José Antonio Sebastián, e do secretario de Estado de Transportes, Mobilidade e Agenda Urbana, David Lucas. Previamente, tamén participou na reunión que congregou a responsables do Ministerio de Transportes e das Comunidades Autónomas do noroeste polas que circulará o futuro corredor.
Tras a presentación, o delegado puxo en valor os anuncios de prazos e investimentos nesta obra, que igualan ás anunciadas para o Corredor Mediterráneo, “o que reafirma o compromiso incuestionable do Goberno cunha actuación prioritaria para a economía de Galicia”. Así, lembrou que os Orzamentos Xerais do Estado de 2023 recollen 1.648 millóns de euros en investimentos para avanzar en completar e ampliar o corredor Atlántico, unha cifra moi similar á reservada para o Corredor Mediterráneo.
También deu a benvida ao novo Comisionado do Goberno para o Corredor Atlántico, no seu primeiro acto oficial, a quen trasladou a colaboración da Delegación do Goberno en Galicia nas súas responsabilidades. El delegado lembrou que esta figura foi creada para acelerar a ampliación e finalización do Corredor Atlántico e para aproveitar a oportunidade única dos fondos europeos de recuperación NextGenerationEU para cumprir este obxectivo.
O delegado sinalou que o desenvolvemento e éxito do Corredor Atlántico depende necesariamente da colaboración de todas as administracións e do interese do sector privado, que é quen o terá que explotar nun futuro. Nesta liña, apelou á necesaria colaboración da Xunta e á cooperación do sector empresarial galego para “facer un traballo conxunto por esta infraestrutura e o desenvolvemento de Galicia”.