La subdelegada do Goberno en Lugo, Isabel Rodríguez, supervisou este xoves os traballos de mellora que o Ministerio para a Transición Ecolóxica e o Reto Demográfico leva a cabo na praia de Ou Portelo, no Concello de Burela. Isabel Rodríguez puxo en valor esta actuación que creará un novo acceso para persoas con mobilidade reducida na entrada principal do areal, que a día de hoxe non dispoñe del. “Conseguimos unha entrada sen barreiras arquitectónicas e accesible, ofrecendo ao bañista unha estadía cómoda, segura e factible para que as persoas con mobilidade reducida poidan gozar integramente dun estupendo día de praia”, asegurou a subdelegada.
Isabel Rodríguez, acompañada do alcalde de Burela, Alfredo Llano, e do xefe da Dirección Provincial de Costas, José Miguel Estevan, comprobou o estado das obras que consisten na demolición dunha parte das escalinatas do acceso á praia e a dotación dun novo camiño, con acabado en granito, e unha varanda de aceiro inoxidable, todo o es adaptado á normativa actual. Ademais, o proxecto contempla a execución dunha pequeno miradoiro e unha zona de estadía para os usuarios. Estas actuacións contan cun investimento do Goberno de 20.000 euros.
En este sentido, a subdelegada explicou que se trata dunha obra moi demandada pola veciñanza, enmarcada no traballo constante que se está facendo desde o Goberno de España para a mellora e coidado do litoral da Mariña lucense.
“Esta iniciativa supón que a praia de Ou Portelo, o areal máis utilizado polos veciños e turistas en Burela, se abra a todo o mundo e sexa máis inclusiva”, destacou a subdelegada, quen avanzou que esta nova pasarela estará dispoñible para o seu uso a próxima Semana Santa.