La subdelegada do Goberno nA Coruña, María Rivas visitou hoxe Bergondo para coñecer o proxecto de remodelación da travesía de Cortiñán, que conta cun investimento de 1,3 millón de euros. O tramo de 1,3 km acaba de ser aprobado polo Ministerio de Transportes e pasará a información pública nas próximas semanas.
María Rivas, que estivo acompañada na súa visita pola alcaldesa de Bergondo, Alejandra Pérez Márquez, destacou que estas obras perseguen tres obxectivos fundamentais “humanizar a zona, moderar a velocidade e aumentar a seguridade dos peóns nun tramo polo que diariamente pasan máis de 5.000 vehículos”.
La subdelegada destacou o compromiso do Goberno de Pedro Sánchez por “saldar unha débeda histórica con Bergondo, tanto en materia de seguridade viaria como de calidade de vida”. “O Goberno pon fin a dous puntos negros do municipio como son o cruzamento de Guísamo e a travesía de Cortiñán e que ademais, foron unhas das principais demandas do municipio na última década”, engadiu.
María Rivas resaltou que “mellorar a calidade de vida da cidadanía en todos os ámbitos é un dos retos deste Goberno e de aí o empeño en humanizar espazos sexa no contexto que sexa” Engadiu que a travesía de Cortiñán “é un claro exemplo da necesidade de ter en conta ás persoas xa que con esta remodelación non só incrementarase a seguridade dando prioridade aos peóns senón que quen residen nesta zona vivirán mellor e máis tranquilos”.
La subdelegada sinalou tamén o bo funcionamento das obras do cruzamento de Guísamo actualmente en execución e que contan cun investimento de 1,5 millons de euros. “Outra actuación de vital importancia xa que se actúa sobre un tramo de concentración de accidentes e polo que diariamente circulan 25.000 vehículos”, explicou.
“Con estas actuacións na N-6 ao seu paso por Bergondo ás que o Goberno destina case 3 millóns de euros desobstruimos proxectos que obstaculizaban non só a seguridade viaria senón tamén a calidade de vida de quen viven nesta zona” manifestou a subdelegada.
A subdelegada recordou que os investimentos do Goberno no concello ascenden a 4,5 millón de euros entre os fondos destinados polo Ministerio de Transportes, o de Transición Ecolóxica, que permitiron a renovación do alumeado público do Concello e o sistema Viogen para a implantación de medidas e programas para a loita contra a violencia machista dentro do Pacto de Estado contra a Violencia de Xénero.
María Rivas recapitulou o investimento que o Goberno realizou nas vías de titularidade estatal na provincia da Coruña nos últimos catro anos, máis de 60 millóns de euros en mantemento e conservación. Fixo fincapé tamén en que a este investimento en Bergondo únese a un conxunto de actuacións que o Ministerio de Transportes acomete para mellorar a seguridade e a mobilidade da área metropolitana da Coruña, como a supresión do cruzamento da Rocha (na N-550 en Cambre), xa finalizada, e á mellora do cruzamento de Solymar (na N-6 en Perillo, Oleiros), en execución.
Características técnicas
Para mellorar a seguridade viaria do tramo, proponse as seguintes actuacións:
Limitación da velocidade a 50 km/h.
Execución de interseccións canalizadas tipo glorieta nos quilómetros 576,44 e 577,33; para así amornar o tráfico da travesía en ambos os sentidos.
Execución de mediana física entre ambos os sentidos dotada de barreira ríxida.
Supresión de los carriles centrales de espera y de ciertas vías de servicio
Adecuación de interseccións acordes á nova configuración
Construción de espazo multiplataforma para beirarrúas e aparcadoiro
Disposición de pasos de peóns e recolocación de paradas de autobús
Construción dunha senda peonil na marxe dereita da N-6
Rehabilitación firme
Reposición de drenaxe, iluminación, servizos e propiedades.
Reposición e adecuación de sinalización, balizamento e defensas.