La subdelegada do Goberno en Lugo, Isabel Rodríguez, reuniuse hoxe coa alcaldesa de Guitiriz, Marisol Morandeira, coa que se comprometeu a axilizar os trámites para abordar as principais demandas expostas deste municipio da Terra Chá.
No encontro, celebrado na Subdelegación do Goberno, Isabel Rodríguez e Marisol Morandeira, tamén analizaron as posibilidades de colaboración entre as dúas administracións e trataron temas referidos a seguridade.
La subdelegada abordou coa rexedora o proxecto de humanización da travesía urbana da N-VIN, ao seu paso polo municipio, para mellorar a seguridade viaria. Deste xeito, acordaron a construción de varios pasos de cebra seguros e o acondicionamento do tramo urbano desta zona, coa dotación de beirarrúas, en especial no tramo entre o parque infantil e o fin do percorrido da estrada estatal sentido A Coruña.
Isabel Rodríguez reafirmou o compromiso do Goberno con estas actuacións e trasladoulle á alcaldesa que a unidade de Estradas do Ministerio de Transportes, Movilidad e Agenda Urbana xa está a traballar para sacar adiante o proxecto e realizar as melloras solicitadas na reunión, “proporcionándolles aos veciños e veciñas de Guitiriz unha estrada máis cómoda e segura”.
Ademais, a subdelegada e a alcaldesa acordaron planificar a próxima convocatoria da Xunta Local de Seguridade Cidadá do concello.