La subdelegada do Goberno nA Coruña, María Rivas, presentou hoxe o balance de tráfico e mobilidade nas estradas coruñesas ao longo de 2022, un balance que arroxa unha cifra de 42 mortes, tres máis que en 2019. María Rivas, recoñeceu que os datos “non son bos” xa que “no momento no que estamos a falar de mortes ningún dato pode ser”
Tal y como explicou a delegada do Goberno nA Coruña o balance de 2022 está marcado por un incremento notable de vítimas vulnerables: peóns ou persoas que circulan en bicicleta, motocicleta ou ciclomotor. En a provincia da Coruña das 42 persoas falecidas, 17 eran vítimas vulnerables (un 40% do total, case a metade). Delas 11 eran peóns maiores de 80 anos (8 homes e 3 mulleres).
Según despréndese do informe que adiantou esta mañá a subdelegada “todos os peóns falecidos eran maiores de 80 anos, circulaban por zonas rectas con escasa visibilidade pero non necesariamente de noite e non levaban pezas reflectoras”.
“É importante ter en conta que na sinistralidade en Galicia ten un peso moi importante a mobilidade xerada pola alta dispersión da poboación” destacou María Rivas. Galicia é a segunda comunidade autónoma con maior taxa de envellecemento tan só superada por Asturias e seguida de cerca por Castela e León, unhas circunstancias que tal e como subliñou a subdelegada “explican o peso do atropelo como sinistro característico na nosa comunidade, especialmente na provincia da Coruña”.
La subdelegada sinalou tamén que A Coruña é, das catro provincias galegas, a que presenta unha rede viaria máis complexa, con núcleos moi poboados e unha gran dispersión que comporta unha alta mobilidade, factores que incrementan o risco de sinistralidade.
Á luz dos datos do informe presentado hoxe, a subdelegada remarcou que “estas cifras avalan aínda máis o esforzo que estamos a facer e que continuaremos reforzando con campañas de control, prevención e disuasión”. Neste sentido, María Rivas adiantou que en próximas datas poranse en marcha campañas entre a poboación maior dotándoos de chalecos reflectates para fomentar o seu uso. Estas campañas irán acompañadas tamén de charlas entre os colectivos máis vulnerables.
El obxectivo, tal e como puntualizou a subdelegada, é interiorizar o uso de pezas reflectoras do mesmo xeito que se fai co cinto de seguridade cando alguén se pon ante o volante.
“La continua mellora da seguridade da cidadanía en todos os seus contextos é unha prioridade para este Goberno. Así que non imos parar ata conseguir reducir ao máximo estes números porque nin 42 nin 3. Non podemos permitirnos nin unha soa morte nas nosas estradas” sinalou María Rivas.
Segundo o informe presentado esta mañá no Centro de Xestión de Datos da DXT da Coruña, o maior número de sinistros continúa producíndose en vías convencionais e teñen como causa principal a velocidade inadecuada. O 26,92% dos sinistros producíronse por este motivo, ao que lle segue moi de cerca a distracción na condución (que supón o 21,15%)
O envellecemento do parque automobilístico, a condución baixo os efectos do alcol ou a non utilización do cinto de seguridade son outras das causas que inciden na sinistralidade
Durante a súa intervención María Rivas subliñou a necesidade de mirar os datos con perspectiva e a medio prazo, lembrado que no ano 2000 o número de persoas falecida en sinistros de tráfico na provincia ascendía a 160. La tendencia, segundo despréndese do informe, é que cada cinco anos esa cifra diminúa o que contribúe a “ter unha mirada máis esperanzadora”
No que respecta á mobilidade, aínda que aínda non se alcanzaron as cifras anteriores á pandemia, os niveis son xa moi aproximados. No total de Galicia con respecto a 2019 a mobilidade reduciuse nun 2,1% e na provincia da Coruña diminuíu nun 5,8% : pasouse de algo máis de 222 millóns de desprazamentos a 209 no pasado ano.
A subdelegada do Goberno reiterou o compromiso e a vontade do Goberno “en combater con todos os medios ao noso alcance, balances como o de hoxe porque cando falamos de vítimas non hai datos un pouco peores ou menos malos, hai fracaso” asegurou.
María Rivas apelou tamén á responsabilidade da cidadanía no seu comportamento como peóns e condutores para tentar frear estas cifras, “cada vez que collemos o móbil ou atendemos unha chamada mentres conducimos, cada vez que pisamos o acelerador sen ter en conta o límite de velocidade, pomos en risco a nosa vida e a dos demais”
A subdelegada agradeceu o “gran traballo” que se realiza desde a Dirección Xeral de Tráfico do Noroeste e desde a Agrupación de Tráfico da Garda Civil” Na presentación deste balance María Rivas estivo acompañada pola coordinadora da DXT nA Coruña, Victoria Gómez; polo capitán da Garda Civil Xefe do Subsector de Tráfico, Manuel Sodán; polo director do Centro de Xestión de Tráfico, Ramiro Martínez e por Bruno Deschamps, xefe de sección do Centro de Xestión de Tráfico do Noroeste.