La subdelegada do Goberno en Lugo, Isabel Rodríguez, reafirmou hoxe no Concello de Taboada o impulso do Plan de Recuperación, Transformación e Resiliencia do Goberno nos municipios pequenos da provincia de Lugo. “Os fondos europeos están a chegar a todos os puntos do territorio, permitindo a municipios como Taboada desenvolver actuacións sustentables en materia de enerxía e dixitalización”, sinalou a subdelegada que destacou a aposta do Goberno de Pedro Sánchez cos municipios denominados do Reto Demográfico.
Isabel Rodríguez trasladouse esta mañá ata o Concello de Taboada para supervisar, xunto ao alcalde, Ramiro Moure, os investimentos do Goberno no municipio e coñecer as súas demandas. Así, comprobou o resultado do proxecto de mellora e modernización da iluminación pública exterior en 5 parroquias do municipio, que contou cunha achega económica de 92.000 euros por parte do Estado, concedida dentro do Programa DUS5000, xestionado polo Ministerio para a Transición Ecolóxica, destinado a financiar proxectos en municipios do reto demográfico, é dicir, cunha poboación de ata 5.000 habitantes.
En concreto, instaláronse un total de 221 luminarias nas parroquias de Cerceda, en Santa Mariña; Couto, en San Martiño; Mesonfrío, en Santa María; Taboada dos Frades, en Santa María; e Arxir, en San Paio. “Grazas á axuda do Goberno os veciños e veciñas destes núcleos rurais do Concello de Taboada contan cunha iluminación LED, máis sustentable, respectuoso co medio ambiente e que supón un aforro económico para as arcas municipais”, explicou a subdelegada que destacou que este tipo de proxectos avanzan no proceso de transición enerxética e na transformación das vilas de maneira responsable.
El obxectivo do DUS5000 do Goberno é dar un impulso ao desenvolvemento urbano sustentable mediante actuacións que constitúan proxectos singulares de enerxía limpa por exemplo proxectos de eficiencia enerxética en edificios e infraestrutura públicas, de fomento dos investimentos verdes e, en particular, do autoconsumo, así como de mobilidade sustentable.
Dixitalización co Plan ÚNICO Banda Larga
Junto con a transición enerxética, a subdelegada avanzou a presenza de Taboada na última convocatoria de dixitalización do territorio que leva a cabo o Ministerio de Asuntos Económicos e Transformación Dixital a través do Programa ÚNICO Banda Larga. “Con fondos do Plan de Recuperación, Taboada contará con conexión a internet de alta velocidade en practicamente todo o territorio”, confirmou Isabel Rodríguez.
Así, Taboada está incluído nos proxectos estatais de dotación de internet superior a 300mb a zonas do municipio sen cobertura. En concreto, o Programa ÚNICO permitirá a conexión de alta velocidade de 411 puntos nos que se localizan 1.301 vivendas e empresas de Taboada.
“É un antes e un despois para os veciños e veciñas que viven na localidade, así como para as empresas da zona” subliñou a subdelegada que puxo en valor este programa “co que imos chegar a todos os recunchos da provincia porque o consideramos un servizo fundamental para loitar contra o despoboamento e asentar nova poboación nos municipios lucenses”.
Entre as dúas convocatorias do Plan ÚNICO, o Goberno inviste na provincia de Lugo 22,5 millóns de euros para levar a tecnoloxía de conexión de alta velocidade a máis de 32.700 vivendas e empresas da provincia.