A subdelegada do Goberno, Isabel Rodríguez, recibiu hoxe ao secretario xeral de Galicia do Sindicato Unificado de Policía (SUP), Roberto González; quen estivo acompañado polo secretario provincial, Alfonso Darriba, para tratar as principais demandas desta organización policial.
Durante a reunión, os representantes do SUP trasladáronlle á subdelegada as propostas e reivindicacións máis importantes en materia laboral e profesional deste sindicato para o Corpo Nacional de Policía na provincia de Lugo.
Isabel Rodríguez agradeceu aos representantes da organización a súa vontade de manter unha comunicación fluída co Goberno e subliñou o esforzo realizado polo Ministerio de Interior nos/nos últimos catro anos, reforzando o persoal con 478 policías “para ofrecer unha maior atención e seguridade á cidadanía”.
En este sentido, avanzou que Galicia ten agora o número máximo de efectivos de Policía Nacional e Garda Civil dos últimos 10 anos, e neste 2023 chegarase ao número máximo de axentes da historia da comunidade, coa nova oferta de emprego público de 5.000 axentes de Policía Nacional e Garda Civil para toda España que lanzou o Ministerio de Interior.
“Durante a etapa do anterior Goberno perdemos 561 efectivos na comunidade. Co Goberno de Pedro Sánchez incorporamos xa 579. Non só revertemos esa situación de perda de efectivos senón que seguimos incrementando o número”, destacou Rodríguez que informou que, na actualidade, Galicia conta con case 8.800 efectivos e a provincia de Lugo con 1.376.
Por último, a subdelegada lembrou que a provincia de Lugo e Galicia son territorios seguros, cunha taxa de criminalidade moi por baixo da media estatal, grazas á eficacia na resposta da Policía.