O Ministerio de Agricultura, Pesca e Alimentación habilitou o teléfono de información gratuíto 900 925 782 para que os agricultores e gandeiros afectados pola dana poidan solicitar información das axudas, así como das distintas medidas de apoio ás que poden optar.

Este teléfono estará operativo a partir do 20 de novembro, de 8.00 a 19.00 horas, de luns a sábado; e de 9.00 a 14.00 horas, os domingos e festivos.

Así mesmo, o ministerio dispuxo no seu páxina web un espazo onde se pode consultar información actualizada do Plan de Resposta Inmediata, Reconstrución e Relanzamento fronte aos efectos causados pola dana, baixo o epígrafe “Info dana”,

Tamén lles informamos que Agroseguro xa comezou a porse en contacto a través do teléfono 685 19 45 72 cos agricultores e gandeiros incluídos polo Ministerio de Agricultura, Pesca e Alimentación no Real Decreto-lei 7/2024.

Rogamos informen deste número de teléfono aos agricultores e gandeiros que poidan ter danos -tanto asegurados como non asegurados- para que poidan atender ou devolver a chamada en canto se produza e solicitar -se procede- a visita dun perito para realizar a avaliación dos posibles danos.

Este teléfono 685 19 45 72 tamén está dispoñible para que -de maneira proactiva- os agricultores e gandeiros afectados poidan porse en contacto con Agroseguro, confirmar se están incluídos no Real Decreto-lei 7/2024, informar os danos rexistrados e concertar a visita dun perito á súa explotación.

O número de teléfono está dispoñible de luns a venres, entre as 09:00h. e 21:00h

O Ministerio de Agricultura, Pesca e Alimentación abriu o prazo para solicitar as axudas para a maquinaria agrícola danada pola dana. O prazo para a presentación de solicitudes será de dous meses a contar desde a data de publicación do extracto da convocatoria no Boletín Oficial do Estado (BOE) o pasado 28 de decembro. Por tanto, aceptaranse solicitudes ata o próximo 1 de marzo de 2025.

Como requisito previo, as persoas interesadas en recibir a axuda poden iniciar xa o trámite necesario da peritación dos danos a través do teléfono gratuíto 900 925 782. Despois, será a empresa Tragsatec a que tramitará a presentación de solicitude da axuda en nome dos interesados que cumpran os requisitos.

Os solicitantes deben ser titulares das máquinas afectadas que deben estar en situación de alta no Rexistro Oficial de Maquinaria Agrícola (ROMA) con data de 28 de outubro de 2024. Os interesados poden comprobar as máquinas que teñen ao seu nome nesta ligazón: https://servizo.mapama.gob.es/regmaq/buscar.wai

Actualizado a 03/01/2025